گۋاڭدۇڭ پروۆينسياسىنىڭ ۇلتتىق وركەسترى الماتىدا ونەر كورسەتتى - فوتو
كونسەرت قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى ديپلوماتيالىق قارىم- قاتىناستىڭ 25 جىلدىعىنا ارنالعان.
كەشتە ChenDong, FengFan (بامبۋك فلەيتاسى)، FuNa (گۋچجەن)، XuWang (فلەيتا)، FaXiaoli ، ZhangLulu, QiaoFei (ەرحۋ)، ChenZuohui, MaZhimin (سونا)، GuShengying (پيپا) سىندى توپتار ونەر كورسەتتى.
باسپا ءسوز ءماسليحاتى اياسىندا قىتايدىڭ كونە ۇلتتىق مۋزىكالىق اسپاپتارى تانىستىرىلدى. ونى گۋاڭدۇڭ قىتاي پروۆينسياسىنىڭ ۇلتتىق وركەسترىنىڭ ديريجەرى تانىستىردى. مىسالى، جۋدي «كوڭىلدى ءبي» كومپوزيتسياسىن ورىنداپ، جينالعان قاۋىمدى تامساندىردى.
وركەستر ديرەكتورىنىڭ ايتۋىنشا، اۋقىمدى كونسەرتتىك تۋردىڭ ماقساتى - قىتايدىڭ ۇلتتىق مۋزىكاسىن الەمدىك مۋزىكا مۇراسى رەتىندە تانىتۋ.
ايتا كەتەيىك، كەشتە جاڭا جىلدا ورىندالاتىن مۋزىكالىق شىعارمالار عانا تانىستىرىلدى.
قىتايدىڭ جاڭاجىلدىق اۋقىمدى كونسەرتتىك باعدارلاماسى الەمدەگى ءساتتى مەرەكەلىك كونتسەرت بولىپ ەسەپتەلەدى. 16 جىل ىشىندە قىتايدىڭ «ۆۋپروموۋشن» اگەنتتىگى 15 ەلدە گاسترولدىك ساپار ۇيىمداستىرعان.
اۆتور: الماس مۇقاش ۇلى