قىتايدا الەمدەگى ەڭ ۇلكەن كيىز ءۇي مۇراجايى سالىناتىن بولدى

استانا. قازاقپارات - قىتايداعى موري قازاق اۆتونوميالىق اۋدانى الەمدەگى ەڭ ۇلكەن كيىز ءۇي مۇراجايىن سالۋدى قولعا الدى، دەپ حابارلايدى kazak.ts.cn.

سانجى دۇنگەن اۆتونوميالىق وبلىسىنىڭ قۇرامىنا كىرەتىن موري قازاق اۆتونوميالىق اۋدانى - قىتايداعى قازاق سالت- ءداستۇرىن جاقسى ساقتاپ، دامىتىپ وتىرعان وڭىرلەردىڭ ءبىر. اسىرەسە، كيىز ءۇي مادەنيەتى مەن ۇلتتىق كەستە تىگۋ ونەرى سەكىلدى قازاقتىڭ مايەكتى مادەنيەتىن وركەندەتۋگە ەرەكشە ءمان بەرىپ كەلەدى.

وسىلاي ۇلتتىق بولمىسىمىزدى ۇلىقتاپ جۇرگەن شەتەلدەگى قازاق اۋدانى، وزدەرىنىڭ ءداستۇرشىل ءوڭىر ەكەنىن تاعى دا ءبىر مارتە دالەلدەمەك. سول ىنتامەن موري اۋدانى الەمدەگى ەڭ ۇلكەن كيىز ءۇي مۇراجايىن سالۋدى قولعا العان.

 اتالمىش مۇراجايدا قازاقتىڭ سان عاسىردان بەرى جاراتقان دالا وركەنيەتىنىڭ بارلىق ءتۇرىن كورسەتۋ جوسپارعا الىنىپتى. بۇل قۇرىلىسقا 9 ميلليون يۋان (432 ميلليون تەڭگە) قارجى جۇمسالاتىنى جوسپارلانىپ وتىر.

اۆتور: باقىتجول كاكەش