زاڭ بويىنشا پارلامەنتتىڭ مۇنداي شەشىمى پرەزيدەنتتى لاۋازىمىنان بوساتۋعا نەگىز بولا الادى. الايدا جوعارعى سوت ۇلتتىق اسسامبلەيانىڭ قاۋلىسىن زاڭسىز دەپ، ونىڭ كۇشىن جويدى.
زاڭ شىعارۋشى ورگاننىڭ مۇنداي قادامعا بارۋىنا ەلدە بىرنەشە جىل جالعاسىپ كەلە جاتقان ەكونوميكالىق داعدارىس تۇرتكى بولسا كەرەك. وپپوزيتسيا وسى ءۇشىن قازىرگى بيلىكتى سىنعا الىپ كەلەدى. ال پرەزيدەنت مادۋرو «داعدارىس مۇناي باعاسىنىڭ قۇلدىراۋى مەن ىشكى جانە سىرتقى كۇشتەردىڭ استىرتىن ارەكەتىنەن» دەپ وتىر.
«نيكولاس مادۋرو حالىقتى تاستاپ، كونستيتۋتسياعا وپاسىزدىق جاسادى. سوندىقتان ۇلتتىق اسسامبلەيا ول قىزمەتىن تاستاپ كەتتى دەپ مالىمدەۋگە ءماجبۇر»، - دەيدى ۇلتتىق اسسامبلەيانىڭ ءبىرىنشى ۆيتسە- پرەزيدەنتى فرەددي گيەۆارا.