بۇركىتشى قىز ايشولپان قازاقستان ازاماتتىعىن الا ما؟
وندا موڭعوليادا تۇراتىن ايشولپان (Ashol Pan) ەسىمدى 13 جاستاعى قىز الەمدەگى ەڭ جاس قۇسبەگى ەكەندىگى ايتىلعان. وسى جاريالانىمنان سوڭ ايشولپاننىڭ ەسىمى الەمگە تارادى.
ال اتاقتى امەريكالىق رەجيسسەر وتتو بەلل وسى ايشولپان تۋرالى «بۇركىتشى قىز» (The Eagle Huntress) دەرەكتى فيلمىن 2016 -جىلدىڭ قازان ايىندا كوپشىلىكتىڭ نازارىنا ۇسىنعان ەدى.
ايشولپاندى قۇسبەگىلىككە باۋلىعان- اكەسى نۇرعايىپ. تاياۋدا موڭعوليانىڭ ۇلتتىق ارنالارىنىڭ بىرىندە ونىڭ سۇحباتى شىقتى.
Asiarussia.ru حابارلاعانداي، ايشولپاننىڭ وتباسى بايان- ولگي ايماعىنىڭ سامباگاراۆ تاۋى ماڭىندا تۇرادى، اتا كاسىبى - مال شارۋاشىلىعىمەن اينالىسادى ەكەن.
ايشولپاننىڭ اكەسىنىڭ ايتۋىنشا، ونىڭ وتباسىن قازاقستانعا شاقىرعان كورىنەدى.
«ءبىز موڭعوليا وڭىرىندە تۋىلساق تا، قازاقپىز. دەسە دە ءبىزدىڭ اتا- بابابىز وسى وڭىردە تۋىپ- ءوستى. سوندىقتان دا مەن وسى جەردە تۋعانىمدى ماقتان تۇتامىن. ءبىزدى قازاقستان ازاماتتىعىن الۋعا شاقىرعان. الايدا ءبىزدى ول قىزىقتىرمايدى. سەبەبى مەنىڭ تۋعان جەرىم - موڭعوليا»، - دەيدى نۇرعايىپ سۇحبات بارىسىندا.
ايتا كەتەيىك، امەريكالىق كينواكادەميا «بۇركىتشى قىز» فيلمىن «وسكار» سىيلىعىنا ۇمىتكەرلەردىڭ قاتارىنا قوستى. ال تانىمال ءانشى Sia موڭعوليالىق بۇركىتشى قازاق قىزى ايشولپان نۇرعايىپ تۋرالى ءفيلمنىڭ ساۋندترەگى «Angel by the Wings» اتتى جاڭا ءان جازدى.
اۆتور: گۇلدەن وسپانوۆا