روجدەستۆو - الەمنىڭ جاڭارۋىنىڭ، يگىلىك پەن ادىلدىكتىڭ نىشانى - ق ر پرەزيدەنتى
«قازاقپارات» ح وقىرمان نازارىنا قۇتتىقتاۋ ءماتىنىن ۇسىنادى.
***
قىمباتتى وتانداستار!
پراۆوسلاۆيە حريستياندارىن روجدەستۆو مەيرامىمەن شىن جۇرەكتەن قۇتتىقتايمىن! بۇل جارقىن مەرەكە قوعام ومىرىندەگى جوعارى ادامگەرشىلىك باستامالاردى نىعايتاتىن وشپەس رۋحاني جانە مورالدىق قۇندىلىقتاردى ساقتاۋعا ىقپال ەتەدى. روجدەستۆو - بۇل الەمنىڭ جاڭارۋىنىڭ، يگىلىك پەن ادىلدىكتىڭ، قايىرىمدىلىقتىڭ جانە كومەك پەن قامقورلىققا ءزارۋ ادامدارعا شىنايى كوڭىل ءبولۋدىڭ نىشانى. قازاقستاندا پراۆوسلاۆيە قاۋىمى باسقا كونفەسسيالاردىڭ قاتارىندا ەلىمىزدىڭ ومىرىنە بەلسەنە اتسالىسىپ، حالىقتىڭ بىرلىگىنە، قوعامدىق كەلىسىم مەن ءدىنارالىق ديالوگقا باعا جەتپەس ۇلەسىن قوسىپ كەلەدى. مۇنىڭ بارلىعى ءبىزدىڭ قازاقستاندىق تاتۋلىق پەن جاسامپازدىق، كوركەيۋ مەن دامۋ مودەلىنىڭ نەگىزدەرىن نىعايتۋعا ىقپال ەتەدى. روجدەستۆو مەرەكەسىندە بارشاڭىزعا باقىت، ساتتىلىك پەن اماندىق- ساۋلىق تىلەيمىن!