50 جاستاعى يسي حيپەردىڭ ەكى ازاماتتىعى بار - كانادالىق جانە تۇركيالىق، ول 2016-جىلدىڭ 30- جەلتوقسان كۇنى تۇركيانىڭ سولتۇستىك-شىعىسىنداعى كارس قالاسىندا ۇستالدى. ونىڭ قورعاۋشىسى بيرگيتتي پاۆيچتىڭ سوزىنە قاراعاندا، ايەلدى 28- جەلتوقسان كۇنى Facebook جەلىسىندە قالدىرعان جازباسىنان سوڭ قاماۋعا العان.
حيپەر ءوز جازباسىندا ەردوعاندى «تۇركيانىڭ «يسلام مەملەكەتى» لاڭكەستىك ۇيىمىن قولدايتىنىن دالەلدەگەن جۋرناليستەردى تۇرمەگە قاماپ جاتىر» دەپ كىنالاعان.
بەلگىلى بولعانداي، حيپەر تۇركياعا 2016-جىلدىڭ قاراشا ايىندا كەلگەن. ال كانادا س ءى م «كانادالىق ازاماتشانىڭ قاماۋعا الىنعانى تۋرالى حاباردار ەكەنىن، قاجەتتى كونسۋلدىق كومەك كورسەتىلىپ جاتقاندىعىن» ايتتى.