ەلىمىزدىڭ قارۋلى كۇشتەرىندە اۋقىمدى دايىندىق شارالارى باستالدى
جاۋىنگەرلىك ارنالىمعا سايكەس ۇرىستىڭ تىڭ جاعدايلارىندا جاۋىنگەرلىك ءىس-قيمىلداردى جۇرگىزۋگە اسكەري قىزمەتشىلەردىڭ ۇدايى ازىرلىگىن قامتاماسىز ەتۋگە باعىتتالعان ءىس-شارالار اعىمداعى جىلعى قاڭتاردىڭ 4 ى مەن 20 ى ارالىعىندا وتەدى.
اتالعان دايىندىق لەزدە بىرنەشە ماقساتقا قول جەتكىزۋگە مۇمكىندىك بەرەدى. سونىڭ ىشىندە، ەكيپاجداردىڭ، ەسەپتوپتاردىڭ، بولىمشەلەردىڭ ۇيلەسۋى مەن دالالىق، اۋە جانە تەڭىز ماشىعىن جەتىلدىرۋ، جەكە قۇرامنىڭ قارۋ-جاراق پەن اسكەري تەحنيكانىڭ جاڭا ۇلگىلەرىن مەڭگەرۋى، قاۋىپسىزدىك تالاپتارىنا سايكەس وعان تەحنيكالىق قىزمەت كورسەتۋ جانە جاۋىنگەرلىك قولدانۋعا ازىرلىكتە ۇستاپ تۇرۋعا ءبىلىم مەن داعدىنى ارتتىرۋ.
ودان باسقا، ساباقتار جەكە قۇرامنىڭ جوعارى پسيحولوگيالىق تۇراقتىلىعى مەن دەنە توزىمدىلىگىن، ءتارتىبى مەن جاۋاپكەرشىلىگىن شىڭداۋعا، جالپى اسكەري ۇرىس قيىندىقتارى مەن كۇردەلى جاعدايلارداعى جۇكتەمەلەردى ەڭسەرۋگە سەپتىگىن تيگىزەدى.
قارۋلى كۇشتەردە ەكيپاجداردى، ەسەپتوپتاردى، بولىمشەلەردى دايىنداۋ الدىندا قازاقستاندىق ارميادا جاڭا 2017 وقۋ جىلى باستالىسىمەن ماماندىقتار بويىنشا اسكەري قىزمەتشىلەردىڭ جەكە دارا دايارلىعى بولىپ وتكەنىن ايتا كەتكەن ءجون.