تورعاي گەوگليفتەرىن زەرتتەۋ حالىقارالىق دەڭگەيدە جۇرگىزىلەدى
تۇركيادا وتكەن ارحەولوگتاردىڭ ەۋروپالىق قاۋىمداستىعىنىڭ فورۋمىندا تورعايلىق نىساندار 2014 -جىلدىڭ باستى سەنساتسياسى دەپ تانىلدى. ال 2015 -جىلدىڭ قورىتىندىسى بويىنشا امەريكالىق بلوگەرلەردىڭ تاڭداۋىمەن تورعاي گەوگليفتەرى جىلدىڭ توپ-10 جاڭالىقتارىنا ەندى.
«وسىلاي الەم كوز تىككەن تەڭدەسىز قۇبىلىسقا ءوز ەلىمىزدە قىزىعۋشىلىق از»، - دەيدى زەرتتەۋشى دميتري دەي. سوندىقتان بيىل زەرتتەۋ جۇمىستارىن حالىقارالىق دەڭگەيدە جۇرگىزۋدى جوسپارلاپ وتىر. باستى ماقسات - تورعاي ويپاتىنداعى الىپ گەوگليفتەردى «كىم، قاشان، نە ءۇشىن جاسادى» دەگەن سۇراقتارعا جاۋاپ ىزدەۋ. بۇل جوباعا قاتىسۋعا نيەت بىلدىرۋشىلەر از ەمەس.
دميتريي دەي، زەرتتەۋشى - باستاپقىدا بۇل جوبانى ءبىز تەك قازاقستاندىق دەپ اتاعىمىز كەلگەن. الايدا قولداۋ جەتكىلىكسىز بولعاندىقتان، الەمدىك دەڭگەيگە شىعارۋعا تۋرا كەلدى. حالىقارالىق قاۋىمداستىقتاردىڭ قازىر قىزىعۋشىلىعى زور. بۇل جوبا تاريحىمىزدىڭ بەيمالىم تۇستارىن اشۋعا ۇلكەن سەپتىگى تيەرى ءسوزسىز. جانە قازاقستاندى ەگيپەت ءتارىزدى الەمگە تانىتا تۇسەتىندىگىنە سەنىمدىمىن.
www.khabar.kz