ا ق ش سەناتى رەسەيگە قارسى سانكسيالار زاڭ جوباسىن دايىندادى
بۇل تۋرالى جوبا اۆتورلارىنىڭ ءبىرى - سەناتور-دەموكرات بەن كاردين حابارلادى.
ونىڭ ايتۋىنشا، قۇجات وسى اپتادا جاريالانۋى مۇمكىن، دەپ حابارلادى CNN. سانكسيالار ماسكەۋدىڭ شىعىس ەۋروپاداعى ارەكەتتەرىنە، قىرىمنىڭ اننەكسيالانۋىنا، سيريادا باشار اساد جۇيەسىن قولداۋىنا جاۋاپ رەتىندە قابىلدانادى.
سانكسيالاردى ا ق ش- تىڭ كەلەسى پرەزيدەنتى جاريالاۋعا مىندەتتى ەكەنى نەمەسە زاڭ جوباسىن شىعارۋشىلاردىڭ پرەزيدەنتكە فورمالدىق قۇقىق بەرۋمەن شەكتەلەتىنى ازىرگە بەلگىسىز.
29- جەلتوقساندا ا ق ش پرەزيدەنتى باراك وباما رەسەيلىك ارنايى قىزمەتكە، ولاردىڭ باسشىلارىنا، ءبىرقاتار فيرمالار مەن ازاماتتارعا قارسى سانكسيا ەنگىزدى. ولار دەموكراتيالىق پارتيانىڭ كومپيۋتەرلىك جەلىلەرىن بۇزۋعا قاتىسى بار دەپ ايىپتالدى.
قۇراما شتاتتاردان 35 رەسەيلىك ديپلومات تىڭشىلىق جاسادى دەگەن كۇدىكپەن شىعارىلدى. امەريكالىق زاڭ شىعارۋشىلاردىڭ كوبى رەسەيگە قارسى قوسىمشا سانكسيالار ەنگىزۋدى قولداپ وتىر.
Baq.kz