مينيسترلىك وكىلدەرى وزدەرى تاپسىرىس بەرگەن تاۋاردى ساتىپ الۋعا ءماجبۇر بولدى
بۇل تۋرالى استانا قالالىق سوتىنىڭ ينتەرنەت سايتىنداعى اقپاراتتاردان بەلگىلى بولدى. وندا جاريالانعان مالىمەتتەرگە قاراعاندا، 2015 -جىلى «رەسۋرس كوممەرسسناب» ج ش س مەن «قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگى» م م- سى اراسىندا تاۋاردى مەملەكەتتىك ساتىپ الۋ تۋرالى شارت جاسالعان.
ەكى تاراپتىڭ ءوزارا جاساسقان شارتتارى بويىنشا تالاپكەر تاۋاردى جەتكىزۋى قاجەت بولعان. ول ءوز مىندەتتەمەلەرىن تالاپقا ساي ورىنداعان. الايدا جاۋاپكەر تاۋاردى الۋدان باس تارتىپ، شارت بويىنشا مىندەتتەمەلەردى بۇزعان. ازاماتتىق ءىستى قاراعان استانا قالاسىنىڭ مامانداندىرىلعان اۋدانارالىق ەكونوميكالىق سوتى تالاپ ارىزدى تولىق قاناعاتتاندىرىپ، «قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگى» م م- سىن «رەسۋرس كوممەرسسناب» ج ش س- نەن جالپى سوماسى 18.449.088 تەڭگەنى قۇرايتىن تاۋاردى قابىلداۋ بويىنشا ۇيىمداستىرۋ جۇمىستارىن جۇرگىزۋگە مىندەتتەدى.