شاحانداعى وپات بولعان وتانداستارىمىزدىڭ قازاسىنا ورتاقپىز - ق ر اقپارات ءمينيسترى

استانا. قازاقپارات - ق ر اقپارات جانە كومۋنيكاتسيالار ءمينيسترى داۋرەن ابايەۆ شاحان كەنتىندەگى اپاتتا قازا بولعانداردىڭ تۋىس- تۋعاندارىنا كوڭىل ايتتى، دەپ حابارلايدى قازاقپارات ءتىلشىسى.

«جىلدىڭ باسىندا شاحانداعى اپاتتىڭ ورىن الۋى بارشا قازاقستاندىقتار ءۇشىن ۇلكەن قايعى. ءبارىمىز وپات بولعان وتانداستارىمىزدىڭ قازاسىنا ورتاقپىز، ورنى تولماس قازاعا قايعىرىپ، كوڭىل ايتامىز. ءوزىم دە قازا بولعان ازاماتتاردىڭ تۋىس-تۋعاندارىنا كوڭىل ايتىپ، زارداپ شەككەندەردىڭ تەزدەتىپ ساۋىعىپ كەتۋلەرىنە تىلەكتەسپىن»، - دەپ جازدى د. ابايەۆ الەۋمەتتىك جەلىدەگى پاراقشاسىندا.

ەسكە سالا كەتەيىك، 1 -قاڭتار كۇنى 22:40-تا قاراعاندى وبلىسى ت ج د قۇتقارۋ بولىمىنە شاحتينسك قالاسى شاحان كەنتىندەگى كوپقاباتتى ءۇيدىڭ ءبىر بولىگى وپىرىلىپ تۇسكەنى تۋرالى قوڭىراۋ شالىنعان. وقيعا ورنىنا شۇعىل تۇردە ت ج د قۇتقارۋشىلارى جونەلتىلىپ، تۇرعىندار ءقاۋىپسىز جەرگە كوشىرىلدى. اۋەلى 1 ادامنىڭ ءمايىتى ءۇيىندى استىنان شىعارىلعان بولاتىن. كەيىن ەكىنشى تۇرعىننىڭ دەنەسى ءۇيىندى استىنان تابىلدى. قازىرگى ۋاقىتقا دەيىن ءۇيىندى استىنان 9 كوز جۇمعان ادامنىڭ دەنەسى ارشىپ الىندى. ونىڭ ۇشەۋى ەر ادام، ۇشەۋى ايەل، ۇشەۋى بالا. بالانىڭ بىرەۋى 2016 -جىلعى، ەكىنشىسى 2010 -جىلعى.

اۆتور: ارمان اسقاروۆ