بۇيرەككە، قۋىققا، نەسەپ جولىنا تاس بايلانۋدى ەمدەۋدىڭ حالىقتىق شارالارى
بۇيرەك قابىنۋعا: بۇيرەك قابىنعان كەزدە قالاقاي جاپىراعىنان 40g، قۇلپىنايدان 20g، ۇيەڭكى جاپىراعىنان 20g الىپ، بارلىعىن 200g سۋعا قايناتىپ كۇنىنە 2 رەت ىشسە، اۋرۋعا شيپا بولادى.
بۇيرەككە جانە قۋىققا تاس بايلانۋعا: انيس تۇقىم قابىعىنا شەكەر قوسىپ لايىقتى مولشەردە ىشەدى.
بۇيرەككە تاس بايلانۋعا: سىركە سۋىنا شىلانعان انار قابىعى مەن سارى شىرماۋىق گۇلىنىڭ ءارقايسىسىنان 30g دى قايناتىپ ىشەدى.
بۇيرەك اۋرۋىنا: تاستىڭ قىناسىن (قىزىلى، كوگى، جاسىلى ءبارى دە بولادى. قىزىلىنىڭ تاريحى ۇزاق بولعاندىقتان كۇشتى كەلەدى) پىشاقپەن تاستىڭ بەتىنەن قىرىپ الىپ، لايىقتى مولشەردە قايناتىپ ىشەدى. كوپ ىشسە قان قىسىمىن ورلەتەدى، سوندىقتان ابايلاپ، ەگەر جاقسا ءىشۋ كەرەك.
قۋىققا تاس بايلانعاندا: اق بولبى جاپىراعىنىڭ سۋىنان كۇنىنە 30g دى ءبىر مەزەت قۋىقتاعى تاستى تۇسىرەدى.
نەسەپ جولىنا بايلانعان تاستى تۇسىرۋگە: اق لوبىنىڭ ءىشىن ويىپ تاستاپ، ىشىنە شالقان تۇقىمىن تولتىرىپ، اۋزىن بەكىتىپ، يلەگەن ۇننىڭ اراسىنا وراپ، وتقا كومىپ ءپىسىرىپ، بالمەن قوسىپ ۇزبەي 3 كۇن جەيدى.
قۋىقتاعى تاستى ەرىتۋگە: كەپتەر بالاپانىنىڭ ەتىن تۇز، سۋ قوپاي كۇنجىت مايىنا قۋىرىپ جەيدى.
نەسەپ جولىنا، بۇيرەككە تاس بايلانعاندا: كۇنباعىستىڭ ساباعىنىڭ ىشىندەگى اق بىلقىلداق وزەكتەن 100g دى سۋعا قايناتىپ، كۇنىنە ءبىر رەتتەن، جالعاستى ءبىرقانشا كۇن ىشەدى. ءارى قۋىق تۇتىلۋىنا دا ەم.
سوزىلمالى بۇيرەك اۋرۋىنا: دالا ۇيرەگىنىڭ ەتىنە جابايى بۇرشاقتان قوسىپ، قازاندا اسىپ ءپىسىرىپ، ەتىن جەپ، سورپاسىن ىشەدى. ول كوكباۋىردى قۋاتتاندىرىپ، بۇيرەكتى جاقسارتادى. نەسەپتى جۇرگىزىپ، ىسىكتى قايتارىپ، تاماققا بولعان تابەتتى ارتتىرادى.
بۇيرەك قابىنىپ ىسىنۋگە، نەسەپ جولىنا تاس بايلانۋعا: بۇزاۋ
باستان التى داناسىن قاقتاپ كەپتىرىپ، تالقانداپ، ۇشكە ءبولىپ، دارىلىك سارى اراققا قوسىپ، كۇنىنە ءۇش رەت ىشەدى.
بۇيرەكتىڭ قابىنۋىنا: 30g جاڭا جينالعان اشتى زىعىر ءشوبىن
قايناتىپ ىشەدى.
بۇيرەكتىڭ السىزدىگىنەن بەل اۋرعانعا: ارپا بەديانانن لايىقتى مولشەردە الىپ، قويدىڭ بۇيرەگىن جۇقالاپ تۋراپ، ۇستىنە سەۋىپ، قاقتاپ ءپىسىرىپ، پىسكەننەن كەيىن اراقپەن قوسىپ ىشەدى.
بۇيرەك قىزىمەتى ناشارلاپ، نەسەپ لايلانۋعا، باس زەڭىپ، جىنىستىق شابىت تومەندەگەنگە: 18g اشتى شىرماۋىقتى تالقانداپ، تاۋىق جۇمىرتقاسىنا قوسىپ قۋىرىپ، كۇنىنە ءبىر رەت جەيدى.
بۇيرەك اۋرۋىنا: دالا ۇيرەگىنىڭ ەتىنە تۇز قوسپاي، ىشەك - قارىنىن تازالاپ، وعان ۇستىلعا ۋ سارىمساقتان 50 g قوسىپ اسىپ، پىسەيىن دەگەندە از مولشەردە اق شەكەر سالىپ، ەكى كۇندە ءبىر رەت ەتىن جەپ، سورپاسىن ىشەدى.