قىتاي استانادا سيرياعا قاتىستى كەلىسسوز جۇرگىزۋدى قولدايدى
بۇل تۋرالى بريفينگتە ق ح ر س ءى م رەسمي وكىلى حۋا چۋنين ايتتى، دەپ حابارلادى قىتايداعى «قازاقپارات» ح ا ا ءتىلشىسى.
«قىتاي بەيبىت كەلىسسوزدەردىڭ جىلدام جاڭارۋىنا الىپ كەلەتىن بارلىق كۇشتەردى قولدايدى. ءبىز سيريادا بارلىق تاراپتار ءتۇيىسۋ ورنىن كەڭەيتىپ، ەلدىڭ، ادامداردىڭ مۇددەسىن ەسكەرۋ ءۇشىن تاسىلدەردەگى ايىرمانى ازايتىپ، ديالوگ پەن كونسۋلتاتسيا ارقىلى ساياسي كەلىسىمگە قول جەتكىزەمىز دەپ ۇمىتتەنەمىز»، - دەدى قىتاي استانادا سيريا بويىنشا رەسەي، تۇركيا، يراننىڭ قاتىسۋىمەن وتەتىن كەلىسسوز راۋندىنان نە كۇتەدى دەگەن سۇراققا جاۋاپ بەرگەن حۋا چۋنين.
ونىڭ ايتۋىنشا، قىتاي بەيبىت ساياسي كەلىسسوزدەر - سيريالىق ماسەلەنى شەشۋدىڭ جالعىز پراكتيكالىق جولى دەپ سانايدى.
بۇل رەتتە سيرياداعى بارلىق ءتيىستى تاراپتار جالپى ۇلتتىق سوعىستى توقتاتۋ جاعىنا جۇمىس ىستەۋى ءتيىس. بۇل پروبلەمانى ساياسي تۇرعىدا شەشۋدىڭ كەپىلى بولىپ تابىلادى.