كەيكى باتىر تۋرالى كوركەم فيلم تۇسىرىلەدى

استانا. قازاقپارات - 2017 -جىلى قازاقستاندا كەيكى باتىر تۋرالى دەرەكتى فيلم تۇسىرىلەدى. بۇل تۋرالى بۇگىن باسپا ءسوز ءماسليحاتىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى،

دەپ حابارلايدى قازاقپارات.

 «قازىرگى كەزدە مينيسترلىكتىڭ الدىندا ۇلكەن شارالار بەلگىلەنىپ وتىر، ياعني 2017 -جىلى كەيكى باتىر تۋرالى دەرەكتى فيلمدى شىعارۋىمىز كەرەك. اتاپ ايتقاندا، كوركەم فيلمنىڭ الدىندا ءبىز دەرەكتى تۋىندىنى ءتۇسىرۋىمىز قاجەت بولىپ تۇر»، - دەدى مينيستر. ونىڭ پايىمىنشا، تاريحي فاكتى مەن اڭىزداردى اجىراتۋ ءۇشىن دەرەكتى فيلمدى ءتۇسىرۋ ماڭىزعا يە بولۋدا. «تەك وسىدان كەيىن عانا ءبىز كوركەم فيلمدى تۇسىرۋگە قۇقىلىمىز. ويتكەنى، كوركەم فيلمنىڭ كورەرمەندەرگە اسەرى وتە زور بولماق»، - دەپ ءتۇسىندىردى مۇحامەدي ۇلى.

 بەلگىلى بولعانداي، 2017 - جىلى و. بەكماعامبەتوۆتىڭ اۆتورلىعىمەن «كەيكى باتىر» عىلىمي مونوگرافياسى شىعادى دەپ كۇتىلۋدە. الداعى ۋاقىتتا باتىر جايىندا تەاترلىق قويىلىمدار كوپشىلىك نازارىنا ۇسىنىلماق.

اۆتور: رۋسلان عابباسوۆ