مۇحتار تىنىكەيەۆ دەپۋتاتتىق وكىلەتتىلىگىنەن باس تارتاتىنى تۋرالى ءوتىنىش جازدى
22:03, 27 - جەلتوقسان 2016
استانا. قازاقپارات - بۇگىن دەپۋتاتتىق ادەپ جونىندەگى كەڭەستىڭ وتىرىسى ءوتىپ، وندا دەپۋتات مۇحتار تىنىكەيەۆتىڭ ءوتىنىش حاتى قارالدى، دەپ حابارلايدى قازاقپارات ق ر پارلامەنتىنىڭ رەسمي سايتىنا سىلتەمە جاساپ.
دەپۋتات م. ب. تىنىكەيەۆ ورىن العان ءجايت بويىنشا كەشىرىم سۇراپ، ارىپتەستەرى مەن سايلاۋشىلارعا ءوتىنىش حات جولدادى. ول ورتالىق سايلاۋ كوميسسياسىنا دەپۋتاتتىق وكىلەتتىلىگىنەن باس تارتاتىنى تۋرالى رەسمي ءوتىنىم بىلدىرگەنىن ايتقان. كەڭەس ورىن العان بارلىق ءمان- جايدى قاراستىرىپ، اتالمىش شەشىممەن كەلىستى. دەپۋتات م. تىنىكەيەۆتىڭ حاتى پارلامەنتتىڭ رەسمي سايتىندا ورنالاستىرىلعان.