يليا يلين جەتىم بالانىڭ بولاشاق ءبىلىمى ءۇشىن اقشا تولەپ قويدى
ايتا كەتەيىك، بۇعان دەيىن لوندونداعى وليمپيادا ويىندارىنىڭ چەمپيونى، بوكسشى سەرىك ساپييەۆ پەن ريو وليمپياداسىنىڭ كۇمىس جۇلدەگەرى ۆاسيلي ليەۆيت تە جەتىم بالالاردىڭ اتىنا اتاۋلى ءبىلىم دەپوزيتىن اشقان بولاتىن. ءبىلىم جانە عىلىم مينيسترلىگىنە قاراستى «قارجى ورتالىعىنىڭ» باسپا ءسوز قىزمەتىنەن حابارلاعانداي، يليا يلين جەتىم بالالاردىڭ اتىنا اتاۋلى ءبىلىم دەپوزيتىن اشۋعا بولادى دەگەن اقپاراتتى ەستي سالا، قايىرىمدى ءىس جاساۋعا اسىققان. «يليا يلين ۆلاديمير ەسىمدى بالامەن بىردەن ءتىل تابىسىپ كەتتى. سوندىقتان دا، تاڭداۋى وسى بالاعا تۇسكەن شىعار. ءبىلىم دەپوزيتىن اشۋعا كەرەكتى قۇجاتتاردى تولتىرىپ، دەپوزيتكە العاشقى جارنانى سالعاننان كەيىن، يلين ەندى وسى بالامەن ۇنەمى بايلانىسىپ تۇراتىنىن ايتتى»، - دەپ حابارلاپ وتىر «قارجى ورتالىعىنىڭ» باسپا ءسوز قىزمەتىنەن.
«ۆلاديميرگە قولىمنان كەلگەنشە كومەك كورسەتىپ وتىرامىن. ەندى مەن سەنىڭ بولاشاق بىلىمىڭە عانا جاۋاپتى ەمەسپىن، سونىمەن قاتار، ساعان ۇلگى بولىپ، ومىردە دۇرىس جول سىلتەۋىم كەرەك. ساعان قولىمنان كەلگەنشە كومەك كورسەتۋگە تىرىسامىن»، - دەدى يليا ۆلاديميرمەن اڭگىمە بارىسىندا.
ءوز كەزەگىندە، ۆلاديمير ميگۋنوۆ اۋىر اتلەت يليا يلينعا جاقسى وقيمىن دەگەن ۋادەسىن بەردى. ايتا كەتەيىك، مەملەكەتتىك ءبىلىم بەرۋ جيناقتاۋ جۇيەسى - بۇل جاڭا قارجىلىق قۇرال. وسى قۇرالدىڭ ارقاسىندا قازاقستاننىڭ كەز كەلگەن ازاماتى ءبىلىم بەرۋ دەپوزيتىن اشا الادى.
اۆتور: كەنجەكەي توقتامۇرات قىزى