قازاقستاندىق وليمپيادا چەمپيوندارى اسكەري مىندەتىن وتەۋگە اتتاندى - فوتو

الماتى. قازاقپارات - ريو وليمپياداسىنىڭ چەمپيوندارى دميتري بالاندين مەن نيدجات راحيموۆ اسكەر قاتارىنا الىندى، دەپ حابارلايدى قازاقپارات ءتىلشىسى الماتى قالاسى قورعانىس ىستەرى جونىندەگى دەپارتامەنتكە سىلتەمە جاساي وتىرىپ.

«26 -جەلتوقسان كۇنى الماتى قالاسى قورعانىس ىستەرى جونىندەگى دەپارتامەنتتىڭ قالالىق جينالۋ پۋنكتىندە اسكەري مىندەتىن وتەۋگە اتتاناتىن ساربازداردى شىعارىپ سالۋ سالتاناتتى شاراسى وتكىزىلدى. اسكەرگە شاقىرىلعاندار اراسىندا وليمپيادا چەمپيوندارى دميتري بالاندين مەن نيدجات راحيموۆ بار»، - دەدى اتالعان دەپارتامەنتتەن.

ايتا كەتەيىك، جىل سايىن الماتىدان 2000 ادام اسكەر قاتارىنا الىنادى. بۇل جولى 50 بولاشاق سارباز استاناداعى №5573 اسكەري بولىمگە اتتاندى. سالتاناتتى جيىندا دميتري بالاندين اسكەر قاتارىنا شاقىرىلىپ وتىرعان زامانداستارىنا ساتتىلىك تىلەپ، شىڭدالىپ ورالۋ قاجەتتىگىن ايتتى.



وليمپيادا چەمپيونىنان ءوز ەركىمەن اسكەر قاتارىنا كەتىپ بارا جاتقانى سۇرالدى. بۇل سۇراققا ول: «ءار ازاماتتىڭ وتان الدىندا كونستيتۋتسيالىق مىندەتى بار، ول بورىشتى وتەۋگە اركىم مىندەتتى»، دەپ جاۋاپ بەردى.

اۆتور: الماس مۇقاش ۇلى