رەسەيدە قازاقستاندىق اراقتى ىشكەن تۇرعىن ءتىل تارتپاي كەتتى

استانا. قازاقپارات - رەسەيدىڭ ورىنبور وبلىسىندا بىرنەشە ادام قازاقستاندا جاسالعان اراقتان ۋلانىپ قالدى. بۇل تۋرالى polit.ru سايتى حابارلايدى.

اراقتان ۋلانعانداردىڭ ءبىرى ەمحانادا ءتىل تارتپاي كەتكەن.

«قازاقستاندا جاسالعان اراق ءارى ۆيسكي تۇرىندە بەرىلگەن الكوگولدى سۋسىننىڭ قۇرامىندا مەتيل سپيرتى بار تۇنبا بولعان»، - دەپ حابارلادى باسپا ءسوز قىزمەتىندە.

ەسكە سالساق، بۇعان دەيىن «بويارىشنيك» سۋسىنىنان جاپپاي ۋلانۋ بولىپ، 75 ادام كوز جۇمعان ەدى. ول كەزدە دە ۋلانۋ مەتيل سپيرتىنىڭ سالدارىنان بولعان.