ەل اۋزىنداعى ەت جەمەيتىن جۇلدىزدار
كۇندەلىكتى قورەگى رەتىندە تۇتىنىپ، مول كۇشتى وسى ءبىر استان الاتىن بولعاندىقتان تەز ارادا باس تارتۋ دا مۇمكىن ەمەس.
الايدا، كوپ مولشەردە پايدالانىلعان قۋاتتى اس ءتۇرلى اۋرۋلاردىڭ دا نەگىزگى فاكتورى بولىپ كەلەدى. قازىرگى تاڭدا كوپشىلىكتىڭ كوزايىمىنا اينالىپ، كەلبەتىمەن تالايدى تاڭداندىرىپ جۇرگەن الەمدىك جۇلدىزدار جەتەرلىك، سولاردىڭ اراسىندا دا ۆەگەتارياندار كەزدەسەدى ەكەن.
ولار از بولعانىمەن مىڭداعان ادامنىڭ تاماقتانۋ پروتسەسىنىڭ جاقسارۋ سيمۆولىنا اينالىپ وتىر. كاسىپقوي بوكستا اتاعى الەمدى ءدۇر سىلكىندىرەتىن امەريكالىق بوكسشى مايك تايسون، ۆەگەتاريانشىلاردىڭ الدىڭعى قاتارىنان ورىن العان.
بوكس مانسابىندا كوپتەگەن قۇيتىرقى ارەكەتتەرىمەن قوسا ءزىلدى سوققىسىمەن تانىمالدىلىققا يە بولعان سپورتشى ءوز مانسابىندا تالاي ەتتىڭ ءدامىن كورگەن.
الايدا، 4 جاسار قىزى ەكسودۋس تايسوننىڭ ومىردەن وتۋىمەن بوكسشىنىڭ ءومىرى تۇبەگەيلى وزگەرگەن. يسلام ءدىنىن قابىلداپ، ەتتى تاعامداردان باسىن اۋلاق ۇستاۋعا تىرىسقان مايك كوپ ۇزاماي وزىندەگى ءتۇرلى اۋرۋلاردان ايىعىپ كەتكەن.
كوكونىس پەن جەمىس-جيدەكتەرمەن قورەكتەنەتىن بوكسشىنىڭ قازىرگى جاعدايى جاقسى. ءبىراز ارتىق سالماقتان ارىلىپ، فيزيكالىق دەنە مۇشەلەرىن رەتتەپ العان.
شىعىس جەكپە-جەگىنىڭ كورولى سانالاتىن بريۋس لي ەت جەمەي-اق ەداۋىر كۇشكە يە بولۋدى دالەدەپ كەتتى.
ونىڭ جىلدامدىعى مەن جويقىن سوققىلارى قارسىلاسىنا ءدوپ ءتيىپ قانا قويماي، ەسىنەن تاندىرىپ تاستاعان. ونىڭ ايتۋىنشا كوكونىستەر مەن جەمىس-جيدەكتەردەن الىنعان بەلوكتار جانۋارلاردىڭ ەتىنەن الىناتىن كۇشتەن كەم ەمەس.
كوپتەن كۇتكەن وسكار سىيلىعىن العان لەوناردا دي كاپريو دا ۆەگەتارياندار قاتارىنان. تابيعاتتى قورعاۋ مەن قورشاعان ورتانىڭ تازالىعىنا قاتتى ءمان بەرەتىن اكتەر، كۇشتى تاماقتى جەۋدى گۆينت پەلتروۋدىڭ ەت تۋرالى ايتقان اڭگىمەلەرىنەن كەيىن دوعارعان.
massaget.kz