قازاقستاندا ءۇش مەملەكەتتىك ج و و- نىڭ رەكتورى تاڭدالدى

استانا. قازاقپارات - بۇگىن استانادا ق ر پرەمەر- ءمينيسترىنىڭ ورىنباسارى يمانعالي تاسماعامبەتوۆتىڭ قاتىسۋىمەن جوعارى وقۋ ورىندارىنىڭ باسشىلارى لاۋازىمىنا ۇمىتكەرلەردى انىقتاۋ بويىنشا رەسپۋبليكالىق كونكۋرستىق كوميسسيانىڭ وتىرىسى ءوتتى.

وتىرىس بارىسىندا رەسپۋبليكالىق كوميسسيا مۇشەلەرى ۇسىنىلعان قۇجاتتارمەن تانىسىپ، كونكۋرس قاتىسۋشىلارىمەن سۇحبات جۇرگىزدى. وندا ءۇش ۋنيۆەرسيتەتتىڭ رەكتورى لاۋازىمىنا ۇمىتكەرلەر ىرىكتەلدى.

اتاپ ايتقاندا، قاراعاندى مەملەكەتتىك تەحنيكالىق ۋنيۆەرسيتەتى، ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى جانە پاۆلودار مەملەكەتتىك پەداگوگيكالىق ينستيتۋتىنا جاڭا باسشىلار تاڭدالدى، دەپ حابارلايدى ق ر ۇكىمەتىنىڭ باسپا ءسوز قىزمەتى.

بارلىق ۇمىتكەرلەر جوعارى ءبىلىمى، 5 جىلدان كەم ەمەس باسشىلىق لاۋازىمدا جۇمىس ءوتىلى بار، سونداي-اق، ج و و دامىتۋ باعدارلاماسىنىڭ بولۋى جاعىنان قويىلىپ وتىرعان تالاپتارعا سايكەس كەلەتىنىن اتاپ وتكەن ءجون. ساپالىق قۇرامى جاعىنان بايقاۋعا ءبىلىم جانە عىلىم جۇيەسىنىڭ 26 وكىلى قاتىستى (16 عىلىم دوكتورى، 8 عىلىم كانديداتى).

ۇمىتكەرلەرمەن سۇحبات جانە ولار ۇسىنعان ج و و دامىتۋ باعدارلاماسىن تالقىلاۋ ناتيجەسىندە رەسپۋبليكالىق كونكۋرستىق كوميسسيا قاراعاندى مەملەكەتتىك تەحنيكالىق ۋنيۆەرسيتەتىنىڭ رەكتورى بوس لاۋازىمىنا تاعايىنداۋعا مارات يباتوۆتى، ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ رەكتورى لاۋازىمىنا قۋات بايمىرزايەۆتى جانە پاۆلودار مەملەكەتتىك پەداگوگيكالىق ينستيتۋتىنىڭ رەكتورى بوس لاۋازىمىنا التىنبەك نۇح ۇلىن تاعايىنداۋدى ۇسىندى. ەسكە سالا كەتسەك، اعىمداعى جىلدان باستاپ قازاقستاندا مەملەكەتتىك ج و و- نىڭ رەكتورلارىن تاعايىنداۋ ەرەجەسى وزگەردى. ەندى جاڭا تالاپتارعا سايكەس رەكتورلاردىڭ تاعايىندالۋى اشىق كونكۋرس نەگىزىندە جۇرگىزىلەدى.

بۇعان دەيىن مەملەكەتتىك جوعارى وقۋ ورىندارىنىڭ رەكتورلارى ق ر ءبىلىم جانە عىلىم ءمينيسترىنىڭ جەكە شەشىمىمەن تاعايىندالىپ كەلدى. بۇعان دەيىن حابارلانعانداي، بۇل جاڭاشىلدىق قازاقستاندىق جوعارى وقۋ ورىندارىنىڭ باسقارۋ قۇرامىن ساپالى باسشىلارمەن تولتىرۋ جانە باسقارۋ دەربەستىگىن ۇلعايتۋ، سونداي-اق، قوعام الدىنداعى ەسەپتىلىكتى كۇشەيتۋ قاجەتتىگىنەن تۋىنداپ وتىر. اعىمداعى ايدىڭ قازان ايىندا ج و و- نىڭ باقىلاۋشى كەڭەستەرىنىڭ وتىرىستارى وتكىزىلدى، وندا ۇمىتكەرلەر ۇسىنعان وقۋ ورنىن دامىتۋ باعدارلامالارى قارالدى. ونىڭ قورىتىندىسىندا ج و و- نىڭ باقىلاۋشى كەڭەستەرى قۇپيا داۋىس بەرۋ ارقىلى رەسپۋبليكالىق كوميسسيا قاراۋىنا ۇسىنۋ ءۇشىن كانديداتتاردى انىقتادى.