ق ر س ءى م تۇركيادا رەسەي ەلشىسىنىڭ ولتىرىلۋىنە بايلانىستى مالىمدەمە جاسادى
«ق ر س ءى م انكارادا ورىن العان رەسەي فەدەراتسياسىنىڭ تۇركيا رەسپۋبليكاسىنداعى توتەنشە جانە وكىلەتتى ەلشىسى اندرەي كارلوۆتىڭ ءولتىرىلۋىن قاتاڭ تۇردە ايىپتايدى. ەگەمەندى ەلدىڭ ۋاكىلەتتى وكىلىنە قارسى باعىتتالعان اتالمىش لاڭكەستىك اكتىسى ۇرەي ۇيالاتۋعا جانە تۇركيا مەن رەسەيدىڭ ەكىجاقتى قارىم-قاتىناسىنا ىرىتكى سالۋعا باعىتتالعان. رەسەيلىك تاراپقا، مارقۇمنىڭ وتباسى مەن جاقىندارىنا قايعىرا كوڭىل ايتامىز جانە ەشبىر اقتاۋعا جاتپايتىن اتالمىش دۇشپاندىق اكتىنى تۇركيانىڭ قۇقىق قورعاۋ ورگاندارى ءجىتى تەرگەپ، ونىڭ ۇيىمداستىرۋشىلارى لايىقتى قاتاڭ جازاعا تارتىلاتىنىنا ءۇمىت بىلدىرەمىز»، - دەلىنگەن ق ر س ءى م- ءنىڭ مالىمدەمەسىندە.
بۇعان دەيىن حابارلاعانىمىزداي، بۇگىن تۇرىك ەلىندە فوتوكورمەنىڭ اشىلۋ سالتاناتىندا قۇتتىقتاۋ ءسوز سويلەپ تۇرعان ر ف ەلشىسى اندرەي كارلوۆقا قارۋلى شابۋىل جاسالىپ، ول اۋرۋحانادا كوز جۇمدى.