«ءبىز امەريكانىڭ قاراجاتىنسىز ءومىر سۇرە الامىز. ءبىراق، بۇل جاعدايدا امەريكا فيليپپيننەن كەتۋگە دايىندالا بەرسىن»، - دەدى دۋتەرتە. ونىڭ ايتۋىنشا، بۇل كەلىسىم 1998-جىلدان بەرى بار. «ەگەر سەندەر سولاي ىستەي الساڭدار، ءبىزدىڭ دە قولىمىزدان كەلەدى»، - دەدى ول.
ەستەرىڭىزگە سالا كەتەيىك، 15- جەلتوقسان كۇنى ا ق ش فيليپپينگە Millennium Challenge Corporation اگەنتتىگىنىڭ قىزمەتى اياسىندا قارجىلىق كومەك كورسەتۋدەن باس تارتقان بولاتىن. ولار بۇل شەشىمنىڭ سەبەبىن وسى ەلدەگى ازاماتتىق بوستاندىقتىڭ بۇزىلۋىمەن بايلانىستىرعان ەدى. سونىمەن قاتار، دۋتەرتە 30- ماۋسىمدا ءوز قىزمەتىنە كىرىسكەننەن بەرى بەس مىڭعا جۋىق ادام سوتتان تىس جازالانعانىن دا الدىعا تارتقان بولاتىن.