نازاربايەۆ شيەۆرون كومپانياسىن قازاقستان مۇنايىن يگەرۋگە قالاي كوندىردى
«1992 - جىلى ءسىز باسقارعان دەلەگاتسيامەن ۇلى بريتانيا مەن يسپانيادا بولدىم. سول كۇندەردىڭ بىرىندە ءسىز ءبىر بانك عيماراتىندا شيەۆرون كومپانياسىنىڭ باسشىلارىمەن كەزدەستىڭىز. ولاردان 3-4، بىزدەن 3-4 ادام بولدىق. ولار كەلىسىمەن امانداستىڭىز دا تىكەلەي سۇراق قويدىڭىز. «سىزدەرمەن ءبىزدىڭ مۇناي سالامىزعا ينۆەستور بولا ما دەپ الدىن الا پىكىر الماسىپ ەدىك. قانداي شەشىمگە كەلدىڭىزدەر؟» دەدىڭىز. ول كومپانيانىڭ باسشىسى تۋرا جاۋاپ بەرۋدىڭ ورنىنا: «اناۋ- مىناۋ بولماي جاتىر، جۇمىسىمىز كوپ»، دەپ سوزا بەردى. ءسىز سول كەزدە: «سىزدەر ءبىزدىڭ سۇراعىمىزعا جاۋاپ بەرۋگە دايىن ەمەس سياقتىسىزدار. ءبىزدىڭ حالقىمىز وتە قينالىپ وتىر. تەزىرەك ەلىمىزدىڭ بايلىعىن يگەرۋگە ينۆەستور تاۋىپ، حالقىمىزدىڭ جاعدايىن دۇرىستايىق دەپ ەدىك. سىزدەردىڭ جايباسارلىقتارىڭىزدى كوتەرە المايمىز. ەرتەڭ تاڭەرتەڭگە دەيىن جاۋاپ بەرمەسەڭىزدەر ءبىز تەڭىزدى يگەرۋگە باسقا ينۆەستور ىزدەۋگە ءماجبۇر بولامىز»، دەدىڭىز. تاڭەرتەڭ شيەۆرون كومپانياسى تەڭىزدى يگەرۋگە ينۆەستور بولادى دەگەن رەسمي حابار كەلدى»، - دەدى ساعاديەۆ.
ال «استانا ەكسپو» ۇ ك» باسقارماسىنىڭ ءتوراعاسى احمەتجان ەسىموۆ قازاقستان پرەزيدەنتىنىڭ 1997 -جىلعى امەريكاعا ساپارى كەزىندە 6 كومپانيامەن كەلىسىم جاسالعانىن ەسكە سالدى.
«سوندا كەلىسىمشارت بويىنشا 2007 - جىلدان باستاپ، 10 جىلدان كەيىن پايدا تۇسە باستايدى دەلىنگەن. مەن: «نۇرسۇلتان ءابىش ۇلى، 10 جىلدان كەيىن ۇزاق قوي» ، دەدىم. ءسىز: «ءبىز بولاشاقتى، بولاشاق ۇرپاقتى ويلاۋىمىز كەرەك»، دەدىڭىز. قازىر ول ءوزىن- ءوزى اقتادى»، - دەدى ەسىموۆ.
اۆتور: مارلان جيەمباي