ءيا، سول كەزدە «قايداعى استانا، قايداعى ستراتەگيا؟» دەپ ويلادىق - ۆيتسە-مينيستر راۋ
«ءالى ەسىمدە، 94- جىلدىڭ شىلدە ايى ەدى. جالاقى مەن زەينەتاقى جارتىجىلدا ءبىر رەت تولەنەدى. ءدال سول كەزدە پرەزيدەنت پارلامەنتكە كەلىپ، ەلوردانى اۋىستىرۋ كەرەك دەپ مالىمدەدى. سوندا مەن - اكىممىن، حالىق كەلىپ، قايداعى ەلوردا، قايداعى استانانى اۋىستىرۋ، جەيتىن ەش نارسە جوق دەپ، ماعان ءوز رەنىشتەرىن ايتتى. شىنىمدى ايتسام، ادامدارعا ەش جاۋاپ بەرە المادىم. ەندى، شىنى كەرەك، ونداي شەشىمدى قابىلداۋ ءۇشىن مەملەكەتتىڭ دامۋىنا سەنىمدى بولۋ كەرەك. ايتپەسە، شالىس باسىپ، جاعدايىمىز ودان دا بەتەر قيىنداپ كەتەتىن ەدى. الەم بويىنشا ونداي مىسالدار از ەمەس»، - دەيدى ا. راۋ.
ونىڭ ايتۋىنشا، ەل استاناسىن اۋىستىرۋدىڭ ەكونوميكالىق قانا ەمەس، يدەولوگيالىق ءمان- ماعىناسى دا زور بولدى. سەبەب ءبارى ءبىر يدەيانىڭ اياسىندا توپتاستى، ءبىر ماقساتقا كۇش سالدى. «اراعا ەكى- ءۇش جىل سالىپ، 2030 ستراتەگياسى جاريالاندى. ءبىز ول كەزدە تۇركيادا بولىپ، سول جاقتاعى ارنايى ەكونوميكالىق ايماقتاردى قۇرۋ تاجىريبەسىن زەرتتەدىك. كەرەمەت اسەر الىپ كەلسەك، شۇعىل پارلامەنتكە شاقىرىپ، ستراتەگيانى جاريالايمىز دەدى. سوندا ءبارى قايداعى ستراتەگيا دەپ شىقتى. ەندى، بۇگىندە مەن ءوزىم ناقتى ماقسات- مىندەتتەر بولماسا، شارۋانىڭ بىتپەيتىنىن ءتۇسىنىپ وتىرمىن. سول كەزدە وسىنى دۇرىس تۇسىنبەدىك. ءقازىر قاراساق، ءبىز ەلىمىزدىڭ كولىكتىك الەۋەتىن ىسكە اسىرىپ كەلەمىز. 2030 سترەتەگيانى اشىپ قاراساڭىز، ءدال وسى ماقسات- مىندەت باستى باعىتتاردىڭ ءبىرى رەتىندە بەلگىنەنگەن. 97^- ء^شى جىلى سول ماقساتتى قويدىق، 20 جىل بولدى، سول ماقساتقا كۇش سالىپ كەلەمىز. ناقتى ناتيجەسى دە جوق ەمەس»، - دەپ اتاپ كورسەتتى ۆيتسە- مينيستر.
اۆتور: ارمان اسقاروۆ