تالدىقورعاندىقتار تاۋەلسىزدىك مەرەكەسىن اۆتوشەرۋمەن باستادى - فوتو

تالدىقورعان. قازاقپارات - جەتىسۋ جەرى تاۋەلسىزدىك مەرەكەسىن ءسان-سالتاناتپەن اتاپ وتۋدە.

تالدىقورعاندا مەرەكەلىك ستارت اۆتوشەرۋدەن باستالدى، - دەپ حابارلايدى قازاقپارات ءتىلشىسى. 25 اۆتوكولىك كوك تۋىمىزدى جەلبىرەتىپ تاۋەلسىزدىك كوشەسىمەن ءجۇرىپ ءوتتى. اۆتوشەرۋ شاھارعا كىرە بەرىستە ورناتىلعان قابانباي باتىر ەسكەرتكىشى جانىنان باستالىپ، قادىرعالي جالايىري ەسكەرتكىشىنە دەيىن جالعاستى. قازىر مەرەكەلىك شارا «جاستار» ساياباعىندا جالعاسۋدا. قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي «تاۋەلسىزدىك - ەلدىك پەن ەرلىكتىڭ ىرگەتاسى» اتتى مەرەكەلىك شارا بارىسىندا سپورتتىق جارىستار، ءتۇرلى كورمەلەر، قازاق ەستراداسى انشىلەرىنىڭ قاتىسۋىمەن گالا- كونسەرت وتەدى. كەشكە ەسترادا جۇلدىزدارى ميراس پەن قۇرالاي، "لاشىن" توبى ارنايى كەلدى.

ايتا كەتۋ كەرەك، قازىرگى تاڭدا الماتى وبلىسى قارقىندى دامىپ كەلەدى. 1997 -جىلى ءوڭىر بيۋدجەتى نەبارى 11 ميلليارد تەڭگە بولسا، قازىر بۇل قارجى 410 ميلليارد تەڭگەگە جەتتى.






 اۆتور: سامال قابىشەۆا