ەلباسى پرەزيدەنت قۇزىرەتىن پارلامەنت پەن ۇكىمەتكە بەرۋ تۋرالى ايتتى
«قۇرمەتتى وتانداستار، جاڭا مەملەكەتتىك قۇرۋ مەن رەفورمالاردىڭ ءساتتى ىسكە اسۋىنا مىقتى پرەزيدەنتتىك بيلىك سەبەپ بولدى. ونى تاۋەلسىزدىك تاريحى اشىق كورسەتتى. ەندى، مەملەكەت دامۋىنىڭ جاڭا كەزەڭىندە پارلامەنت پەن ۇكىمەتتىڭ جاۋاپكەرشىلىگىن كۇشەيتۋ ماسەلەسىن قاراستىرۋ قاجەت. قازاقستاندا پرەزيدەنتتىك باسقارۋ فورماسى بۇعان دەيىن بولعان، بولادى دا. سونىڭ بارلىعى اتا زاڭىمىزدا كورسەتىلگەن. ءبىزدىڭ تاريحىمىز دا، سالت- ءداستۇرىمىز دە سوعان ساي كەلەدى.
دەگەنمەن، بۇگىندە پرەزيدەنت، پارلامەنت پەن ۇكىمەت اراسىنداعى وكىلەتتىلىكتەردى ۇيلەستىرۋ ماسەلەسىن قايتا قاراپ شىعاتىن ۋاقىت كەلدى. ارنايى كوميسسيا وسىنى جان- جاقتى زەردەلەپ، ءتيىستى ۇسىنىستارىن جاساۋى ءتيىس. زاڭداردى وزگەرتەمىز بە، بالكىم كونستيتۋتسياعا دا وزگەرىس ەنگىزۋگە تۋرا كەلەتىن شىعار»، - دەپ اتاپ كورسەتتى ن. نازاربايەۆ.