پرەزيدەنت حالىققا بەت بۇرعان بيزنەسمەندەرگە العىس ايتتى
بۇل تۋرالى بۇگىن ەلوردادا قازاقستان تاۋەلسىزدىگىنىڭ 25 جىلدىق مەرەيتويىنا ارنالعان سالتاناتتى جيىندا ەلباسى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات. «بۇگىندە قالىپتاسقان بيزنەسمەندەرىمىزدە مۇلىكتىكتى مۇرا قالدىرىپ، باستاپقى كاپيتال ءبولىپ بەرگەن ميلليونەر اكەلەرى بولعان جوق. ولار ءوز كۇشىمەن سۋىرىلىپ شىقتى. ءوزىنىڭ ەڭبەگىمەن ىسكەرلىگىن جانە ەلدىڭ بولاشاعىن قۇرعان ەڭبەكقور ادامدار رەفورمالاردىڭ قۇندىلىعىن ارتتىرعانىن ۇنەمى ايتىپ ءجۇرمىن»، - دەدى ەلباسى.
وسى ورايدا پرەزيدەنت قازىرگى كەزدە بۇنداي ادامدار ەلىمىزدە ءومىر ءسۇرىپ جاتقاندىقتان قازاقستان ءوزىنىڭ كۇش-قۋاتىنا سەنىمدى ەكەنىن اتاپ ءوتتى. «مەملەكەتتىڭ ساياساتىن پايدالانىپ، داۋلەتىن ارتتىرىپ، اۋقاتتى بولعانى وتە جاقسى. ال ەندى سول كەزدە حالىققا بەت بۇرىپ، ەلگە كومەكتەسكەنى ءۇشىن بارشا ءىس ادامدارىنا ريزاشىلىعىمدى تاعى دا ءبىر ايتامىن» ، - دەدى ن. نازاربايەۆ.
اۆتور: رۋسلان عابباسوۆ