ءانشى ۇلىقپان جولداسوۆتىڭ قۇجاتتاعى شىن ەسىمى تىپتەن باسقاشا بولىپ شىقتى

استانا. قازاقپارات - تاۋەلسىزدىك مەرەكەسى قارساڭىندا كوپتەگەن لاۋازىمدى تۇلعالارمەن قاتار مادەنيەت سالاسىنىڭ دا ادامدارى مەملەكەتتىك سىيلىقپەن ماراپاتتالدى.

ونىڭ اراسىندا بەلگىلى ءانشى، كومپوزيتور ۇلىقپان جولداسوۆ تا بار.

ۇلىقپان جولداسوۆقا قازاقستاننىڭ ەڭبەك سىڭىرگەن قايراتكەرى اتاعى بەرىلدى. الەۋمەتتىك جەلىدە بۇل جاقسى جاڭالىقپەن بولىسكەن ءانشىنىڭ جان جارى ايعان جولداسوۆا وتباسىلىق قۇپيانى بايقاماي اشىپ قويدى.

سويتسەك  ۇلىقپان اعامىزدىڭ شىن ەسىمى باسقاشا بولىپ شىقتى. تىپتەن تۇسىنىكسىز: ۋميكسات دەي ما، قالاي؟..

ءبىر سۇحباتىندا ۇلىقپان جولداسوۆ: «قۇجات تولتىرۋشى ورىس ايەل اتىمدى «ۋميكسات» دەپ جازىپ جىبەرىپتى. ول كەزدە بالامىز عوي، قولدى ءبىر سىلتەپ جۇرە بەردىك» دەپتى. ودان بەرى قانشا ۋاقىت ءوتتى؟.. ءبىراق ورىس ايەل بۇلدىرگەن ەسىمدى اعامىز ءالى وزگەرتپەپتى.

 

قۇتتىقتاۋ تىلەكتەر قالدىرىپ جاتقان الەۋمەتتىك جەلىنى قولدانۋشىلار ءوز كوزدەرىنە ءوزى سەنبەي، ءانشىنىڭ ەسىمىن تالقىلاپ كەتكەن ەكەن.

 365info.kz