ريو وليمپياداسىنىڭ جۇلدەگەرى ەكاتەرينا لاريونوۆا «جىل جاڭالىعى» اتاندى
وسىمەن توعىزىنشى رەت ۇيىمداستىرىلعان بايقاۋدىڭ قورىتىندى شاراسىنا قاتىسقان وبلىس اكىمى التاي كولگىنوۆتىڭ اتاپ وتكەنىندەي، جاستار اراسىنداعى جىل ۇزدىكتەرىن ماراپاتتاۋ بيىل تاۋەلسىزدىكتىڭ 25 جىلدىعىمەن تۇسپا-تۇس كەلىپ وتىر. كەڭەس وداعى ىدىراعان تۇستا ەلىمىز قيىن كەزەڭدى دە باستان كەشىردى. ەلباسىنىڭ باستاۋىمەن سونىڭ ءبارىن جەڭىپ شىققان قازاق ەلىندە بەيبىتشىلىك پەن كەلىسىم، تىنىشتىق پەن تۇراقتىلىق سالتانات قۇردى.
تاۋەلسىزدىگىمىزدى باياندى ەتىپ، الدىڭعى قاتارلى ەلدەردىڭ قاتارىنا قوسىلۋ ءۇشىن قازىرگى تاڭدا بارلىق جاعداي بار. سونىڭ ىشىندە جاستارعا داڭعىل جول اشىلىپ، مول مۇمكىندىكتەر جاسالىپ وتىر. ءار سالادا ەسەلى ەڭبەك ەتىپ، ءوز ءىسىنىڭ شەبەرى اتانىپ جۇرگەن جاستار بارشىلىق.
سولاردىڭ ەڭ ۇزدىكتەرىن انىقتاپ، كوپ الدىندا تورگە شىعارىپ، ىنتالاندىرۋدىڭ ماڭىزى زور. سونىمەن، م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ماگيسترى، نازاربايەۆ زياتكەرلىك مەكتەبى قازاق ءتىلى مەن ادەبيەتى ءپانىنىڭ مۇعالىمى باقىتگۇل ءابدىروۆا «ۇزدىك جاس ۇستاز»، م. وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىنىڭ تۇلەگى، سىرىم اۋداندىق اۋرۋحاناسىنىڭ حيرۋرگى، بيىل 58 ءساتتى وتا جاساعان تيمۋر ەسپەنتايەۆ «ۇزدىك جاس دارىگەر»، م. وتەمىسوۆ اتىنداعى ب ق م ۋ تۇلەگى، نازاربايەۆ زياتكەرلىك مەكتەبىنىڭ پەداگوگ-حورەگرافى اسلان تىلەۋعاليەۆ «ۇزدىك جاس ونەرپاز»، «باتىس قازاقستان ەلەكتر جەلىسىن تاراتۋ كومپانياسى» ا ق ەلەكتر جابدىقتارىنىڭ مامانى دەنيس كوماروۆ «ۇزدىك جاس مامان» اتاندى.
سونداي-اق جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتى جانىنداعى عىلىمي-زەرتتەۋ ورتالىعىنىڭ بالىق ءوسىرۋ بويىنشا تەحنيگى رۋحان قۇلبايەۆ «ۇزدىك جاس عالىم»، وبلىستىق ت د ك-42- تەلەارناسىنىڭ جۋرناليسى جاندوس حامزا «ۇزدىك جاس ءتىلشى»، جاڭگىر حان اتىنداعى ب ق ا ت ۋ- دىڭ وزات ستۋدەنتى ءاليحان بايمۇحامبەتوۆ «ۇزدىك ستۋدەنت»، ب ق و «جاس وتان» جاستار قاناتىنىڭ ءتوراعاسى نۇرعالي جولداسقاليەۆ «ۇزدىك جاس كوشباسشى»، نازاربايەۆ زياتكەرلىك مەكتەبىنىڭ وقۋشىسى باقداۋلەت زاكىروۆ «ۇزدىك مەكتەپ كوشباسشىسى»، شورت-ترەكتەن سولت-لەيك-سيتي قالاسىندا وتكەن الەم كۋبوگى كەزەڭىنىڭ جەڭىمپازى ابزال اجىعاليەۆ «ۇزدىك جاس سپورتشى» اتالىمىن يەلەندى.
«جاسىل ەل» جاستار ەڭبەك جاساعىنىڭ وبلىستىق شتابى (جەتەكشىسى بولات دوسماعامبەتوۆ) «ۇزدىك جاستار ۇيىمى»، «العا، قازاقستان!» جوباسىنىڭ مەنەدجەرى گەلمان بەكتاليەۆ «ۇزدىك بيزنەس-جوبا» بويىنشا وزىپ شىقسا، «ەرلىگى ءۇشىن» مەدالىنىڭ يەگەرلەرى، پوليتسيا كاپيتانى اسىلان ايتمۇقانوۆ پەن پوليتسيا اعا سەرجانتى ارداق يبراشيەۆ «قايسارلىعى مەن باتىلدىعى ءۇشىن»، «ايالا» قايىرىمدىلىق دۇكەنى «مەيىرىم» اتالىمىمەن اتالىپ ءوتىلدى. شارا سوڭىندا ءوڭىر باسشىسى ريو وليمپياداسىندا ايەلدەر كۇرەسىنەن قولا جۇلدەگەر اتانعان ەكاتەرينا لاريونوۆانى تەك باتىس قازاقستان وبلىسى عانا ەمەس، كۇللى قازاق ەلى ماقتان تۇتاتىنىن ايتىپ، وعان «جىل جاڭالىعى» سىيلىعىن تابىس ەتتى.
ايتا كەتەيىك، 13- جەلتوقسان كۇنى ورالدا جاستار مەن وقۋشىلار سارايى جانە ونىڭ جانىنان اق جايىقتان تۇلەپ ۇشقان ريو وليمپياداسىنىڭ چەمپيونى دانيار ەلەۋسىنوۆ اتىنداعى بوكس ورتالىعى اشىلادى.
اۆتور: ەلجان ەرالى