ءانشى ءومىرقۇل اينيازوۆقا «قازاق ءتىلى» مەدالى تابىس ەتىلدى

ءانشى بۇل جونىندە ءوزىنىڭ ينستاگرامداعى پاراقشاسىندا جاريالادى. «بۇل مەنىڭ تىڭدارماندارىمنىڭ جەڭىسى»، - دەپ ءسۇيىنشى سۇراعان ءومىرقۇل اينيازوۆتى قۇتتىقتاپ جاتقانداردىڭ قاراسى قالىڭ. ايتا كەتۋ كەرەك، ءومىرقۇل اينيازوۆ ءداستۇرلى اندەردى ەستراداعا شىعارعان تانىمال، ءارى حالىقتىڭ سۇيىكتى ءانشىسى. «ەلىم مەنىڭ»، «اق جايناق»، «اقتاڭگەرەيدىڭ تەرمەسى»، «بايتاق ەلىم» سىندى اندەرىن حالىق ءسۇيىپ تىڭدايدى. ول 1978 -جىلى  قىزىلوردا وبلىسىنىڭ قازالى اۋدانىندا دۇنيەگە كەلگەن. ءوزىنىڭ سۇحباتتارىندا سەگىز ايلىعىنان باستاپ اتا- اجەسىنىڭ تاربيەسىندە بولعانىن ايتقان ەدى. قوڭىر داۋىستى، تىڭدارمانى كوپ ونەر تۇلعاسى تالدىقورعان قالاسىنداعى «ءسۇيىنباي» اتىنداعى فيلارمونياسىندا دا ونەر كورسەتتى.