قازاقستاندا وتاندىق تاۋار تۋرالى ۇزدىك روليكتەر تاڭدالدى
«NADLoC» ۇلتتىق اگەنتتىگىنىڭ باسپا ءسوز قىزمەتى حابارلاعانداي، 10 -قازاننان 5 -جەلتوقسانعا دەيىن الەۋمەتتىك جەلىلەرگە (Facebook پەن Instagram) بارلىق وڭىردەن وتاندىق تاۋارلار تۋرالى 48 ۆيدەوروليك كەلىپ تۇسكەن. قۇرامىنا بۇقارالىق اقپارات قۇرالدارىنىڭ وكىلدەرى، بلوگەرلەر، رەجيسسەرلەر مەن قوعام قايراتكەرلەرى كىرەتىن تاڭداۋ كوميسسياسى اۆتورلاردىڭ جۇمىستارىمەن تانىستى. كوميسسيا مۇشەلەرى قازاقستاندىق تاۋار وندىرۋشىلەردى قولدايتىن جانە ماڭىزدىلىعى بەينەلەنگەن 3 ۇزدىك جۇمىستى تاڭداپ الدى. كونكۋرس ناتيجەسى بويىنشا، ءبىرىنشى ورىندى الماتى قالاسىنان ءاليا قالياجداروۆا، ەكىنشى ورىندى الماتى قالاسىنان سەرگەي پانيحين جانە ءۇشىنشى ورىندى استانا قالاسىنان قاسىموۆا زەرە جەڭىپ الدى.
بۇدان بولەك، وتاندىق كومپانيالاردىڭ ىنتالاندىرۋ سىيلىقتارىمەن سەمەي قالاسىنان ارىنعازى ادىلبەك، اقتوبەدەن بابانوۆ راحمان، پاۆلوداردان ساعيت ەلەونورا، استانادان قاسىموۆا زەرە، اتىراۋدان گاۆريلوۆ پاۆەل، استانادان قاليمولدايەۆ دانيار، الماتى قالاسىنان سەرگەي پانيحين ماراپاتتالدى.