بۇل تۋرالى ول Fox News تەلەارناسىنا بەرگەن سۇحباتىندا مالىمدەدى، دەپ حابارلايدى Baq.kz.
«قىتايدىڭ ماعان بۇيرىق بەرىپ، جول كورسەتكەنىن قالامايمىن»، - دەدى ا ق ش- تىڭ بولاشاق ليدەرى.
سونداي-اق، ساياساتكەر تايۆان باسشىسى تساي ينۆەنمەن بولعان تەلەفون اڭگىمەسى قىسقا ءارى جوسپاردان تىس بولعانىن اتاپ ءوتتى.
«ءبىز نەگە «ءبىر تۇتاس قىتايدىڭ» ساياساتىن ۇستانۋىمىز كەرەك؟ مەنىڭ ۇقپايتىنىم وسى»، - دەيدى ترامپ.
بۇعان قوسا، امەريكانىڭ جاڭادان سايلانعان پرەزيدەنتى بەيجىڭدى «سولتۇستىك كورەيا ماسەلەسىن رەتتەۋگە» ەشقانداي كومەك كورسەتپەي جاتىر دەپ ايىپتادى.
قىتايدىڭ پروۆينتسياسى سانالاتىن تايۆاننىڭ باسقا ەلدەرمەن قارىم-قاتىناسى اسپان استى ەلىنىڭ ۇنەمى باستى نازارىندا. 1972، 1978 جانە 1982-جىلدارى ۆاشينگتون مەن پەكين تري كومميۋنيكەگە قول قويعان بولاتىن. ول بويىنشا ا ق ش «ءبىر تۇتاس قىتاي» قاعيداتىن مويىنداپ، تايۆانمەن رەسمي ديپلوماتيالىق بايلانىستاردى ۇزگەن ەدى.
ترامپتىڭ تايۆان باسشىسىمەن اڭگىمەسىنەن كەيىن قىتايدىڭ سىرتقى ىستەر مينيسترلىگى امەريكا ەلشىسىنە وسى ماسەلەگە قاتىستى كەڭەس بەرگەن. اسپان استى ەلىنىڭ بۇل ارەكەتى شامىنا تيگەن بولسا كەرەك، ترامپ بىردەن بەيجىڭدى سىنعا الدى.