ۋسمونحودجايەۆ 8 - جەلتوقساندا ازاتتىققا جوعارعى سوتتان 18 - قاراشادا وزىنە قارسى ايىپ پەن سوت ۇكىمىنىڭ جويىلعانى جانە ءىستىڭ جابىلعانى تۋرالى حات العانىن ايتتى.
86 جاستاعى ۋسمونحودجايەۆ وزبەكستان س س ر- ءىن 1983-1988 - جىلدارى باسقارعان.
وزبەكستان كومپارتياسىنىڭ ءبىرىنشى حاتشىسى بولعان ۋسمونحودجايەۆ 1989 - جىلى جەلتوقساندا سوت شەشىمىمەن كوررۋپتسيالىق قىلمىس جاسادى دەپ ايىپتالىپ، 12جىلعا سوتتالعان ەدى. ول 1990 - جىلى بوساتىلعانىمەن، اقتالماعان.
س س س ر باسشىسى ميحايل گورباچيەۆتىڭ 1980 - جىلداردىڭ ورتاسىنداعى رەفورمالارى كەزىندە كوررۋپتسياعا قارسى ناۋقان بارىسىندا رەسەي مەن وزبەكستاندا 800 گە تارتا شەنەۋنىك ءىستى بولعان.
بۇل كامپانيا بارىسىندا 4 مىڭنان استام ادام، ونىڭ اراسىندا س س س ر- ءدىڭ بۇرىنعى ىشكى ىستەر ءمينيسترىنىڭ ورىنباسارى، س س س ر باسشىسى لەونيد برەجنيەۆتىڭ كۇيەۋبالاسى يۋري چۋربانوۆ سوتتالعان.
«ازاتتىق» جاڭالىقتارى