ونىڭ ۇزىندىعى 9، بيىكتىگى 5 مەتر، دەپ حابارلايدى «قازاقپارات» ح ا ا- ءنىڭ مەنشىكتى ءتىلشىسى.
ءۇندىستاندىق كونسترۋكتور موحامماد ديليف ءوزىنىڭ تۋىندىسىن «قالادا ءمىنىپ جۇرۋگە ارنالعان ەڭ ۇلكەن ۆەلوسيپەد» رەتىندە گيننەستىڭ رەكوردتار كىتابىنا كىرگىزبەكشى. ەگەر ونىڭ شىعارعان تۋىندىسى گيننەس كىتابىنا لايىقتى دەپ تابىلاتىن بولسا، بۇل ديليفتىڭ ءۇشىنشى رەكوردى بولماق.
وسىعان دەيىن ول الەمدەگى ەڭ ۇلكەن كاريكاتۋرانى سالعان بولاتىن جانە 2016-جىلى بادمينتونعا ارنالعان ەڭ ۇلكەن راكەتكانى (بيىكتىگى 16,89 مەتر) جاساپ شىعاردى. «مەن ساۋدا ورتالىعىنىڭ وكىلدەرىنە ۆەلوسيپەدىمدى قالىڭ كوپشىلىكتىڭ نازارىنا ۇسىنۋعا رۇقسات ەتكەندەرى ءۇشىن رازىمىن. ءوزىمنىڭ ەڭبەگىم ارقىلى مەن ەل جاستارىنىڭ سالاماتتى ءومىر سالتىن ۇستانۋلارىنا ىقپال ەتەمىن دەگەن ويدامىن. بۇل مەنىڭ بىرىككەن اراب امىرلىكتەرىنىڭ ۇلتتىق كۇنىنە ارناعان سىيلىعىم. مەن ۆەلوسيپەدتىڭ سول ءۇشىن دە ەلىمنىڭ تۋىنىڭ تۇسىنە سايكەس ەتىپ جاسادىم»، - دەدى ديليف.