تۇركىستاننىڭ تۋريزمىن دامىتۋ قولعا الىندى

استانا. قازاقپارات - تۇركىستانداعى قوجا احمەت ياسساۋي كەسەنەسىنە زيارات ەتۋشىلەردىڭ قاتارى جىلدان جىلعا ارتىپ وتىر.

ەكىنشى مەككە دەپ ەسەپتەلىنەتىن تاريحي ەسكەرتكىشتىڭ اۋماعىن اباتتاندىرۋ، ساياحاتشىلارعا قولجەتىمدى قىزمەت كورسەتۋ ورتالىقتارىن اشۋ جوسپارلانۋدا، دەپ حابارلايدى وبلىستىق اكىمدىكتىڭ باسپا ءسوز قىزمەتى. وسى تۇستا باتىس ەۆروپا- باتىس قىتاي حالىقارالىق ءدالىزىنىڭ بويىندا جانە تۇركىستانداعى تۋريزمدى دامىتۋ ماقساتىنداعى جوبالاردى اياقتاۋ ءۇشىن 103 ميلليون تەڭگە جوسپارلانۋدا.

سونىمەن قاتار، وڭىردە تۋريزمدى دامىتۋ ماقساتىندا تۋريستىك اقپاراتتىق ورتالىعى مەكەمەسىنىڭ شىعىندارىنا، ءىس- شارالاردى وتكىزۋگە جانە ۇلەستىرمە ماتەريالداردى ازىرلەۋگە 178,2 ميلليون تەڭگە قاراستىرىلۋدا.

ايتا كەتۋ كەرەك، تۇركىستاندا سوڭعى 5-6 جىل كولەمىندە تۋريستەرگە ساپالى قىزمەت كورسەتۋ ماقساتىندا ونعا تارتا نىسان بوي كوتەرگەن. 2013 -جىلى كەسەنەگە 700 مىڭنان استام تۋريست كەلسە، 2014 -جىلى 1 ميلليونعا جۋىق ادام كەلگەن. ال 2015 -جىلدىڭ 6 ايىندا 594,8 مىڭ تۋريست وسىندا ات باسىن بۇرعان. بۇل كەلۋشىلەرگە ىڭعايلى جاعداي مەن كورسەتىلگەن قىزمەتتىڭ ناتيجەسى. قالاعا كەلگەن تۋريستەردى ورنالاستىرۋعا 820 ورىندى 20 قوناق ءۇيى جۇمىس ىستەيدى. سونىمەن قاتار ءتورت جۇلدىزدى قوناق ءۇي قۇرىلىسى جۇرگىزىلىپ جاتىر. قولونەر شەبەرلەرى ورتالىعىنىڭ عيماراتىندا تۋريستىك اقپاراتتىق ورتالىعى قۇرىلىپ جۇمىسىن باستاپ جاتىر. 2016 -جىلدىڭ سەگىز ايىندا قالاعا 751,1 مىڭ تۋريست پەن زياراتشىلار، ونىڭ ىشىندە 12,2 مىڭ ادام الىس، جاقىن شەتەلدەردەن كەلگەن ( 2015 ج. 8 ايدا 740,7 مىڭ ادام، ونىڭ ىشىندە شەتەلدەن- 11,5 مىڭ ادام).