شىمكەنتتىك سەناتور قازاقتاردىڭ جالقاۋلىعىنا كۇيىندى

استانا. قازاقپارات - وڭتۇستىك قازاقستاندا ەل تاۋەلسىزدىگىنىڭ 25 جىلدىعىنا وراي «تۋعان جەردى تۇلەتۋ - پەرزەنتتىك پارىز!» سالتاناتتى كەزدەسۋى ءوتتى دەپ حابارلايدى rgmedia.kz.

شاراعا وبلىس اكىمى جانسەيىت تۇيمەبايەۆ پەن ەلىمىزگە تانىمال كورنەكتى مەملەكەت جانە قوعام قايراتكەرلەرى، اقىن-جازۋشىلار مەن قازاق ەستراداسىندا وزىندىك ورنى بار ونەر مايتالماندارى جانە كاسىپكەرلەر سياقتى ءتۇرلى سالادا قىزمەت ەتىپ جۇرگەن 150 دەن استام ازامات قاتىستى.

سوندا سەناتور قۋانىش ايتاحانوۆ قازاقتاردىڭ جالقاۋلىعى تۋرالى ءسوز قوزعاي كەتتى.

«ءبىر اۋىلدا نەمىس، ورىس، قازاق قاتار تۇردى. سوندا نەمىستىڭ اۋلاسىنا كىرسەڭىز، ورىستىڭ اۋلاسىنا كىرسەڭىز، تاپ-تازا. توڭىرەك ايناداي جالتىراپ جاتادى. باۋ-باقشا، مال، ءبارى ءوز رەتىمەن. سۇيسىنەسىز. ال، قازاقتىڭ اۋلاسىنا كىرسەڭىز... بىزدە وسى جاعىنان ماسەلەلەر بار. جالپى، بىزگە كوپ ەڭبەكتەنۋ كەرەك»، - دەدى قۋانىش ايتاحانوۆ.