استانادا «قاز اتوم ونەركاسىپ» ۇ ا ك» ا ق باسقارما ءتوراعاسى اسقار جۇماعاليەۆ جانە «Uranium Industry» ا ق باسقارما ءتوراعاسى ميلان كلەچكي قوس كومپانيا اراسىنداعى ىنتىماقتاستىق جانە ءوزارا ارەكەتتەستىك تۋرالى مەموراندۋمعا قول قويدى.
تاراپتار ءوزارا مۇددەلەستىك ۇستانىمدارىنا نەگىزدەلگەن سەرىكتەستىك قاتىناستاردى قۇرۋعا كەلىستى. قۇجاتقا سايكەس، كومپانيالار يادرولىق وتىن سيكلى جوبالارىن ىسكە اسىرۋعا باعىتتالعان ۇزاق مەرزىمدى ىنتىماقتاستىقتى دامىتۋدى كوزدەيدى.
اتاپ ايتقاندا، گەولوگيالىق بارلاۋ، ۋران ءوندىرۋ جانە وڭدەۋ، توپىراق قۇنارلىعىن قالپىنا كەلتىرۋ، ماركەتينگ جانە ۋران ونىمدەرىن ساتۋ ماسەلەلەرىنە ايرىقشا نازار اۋدارىلماق. سونداي-اق، مەموراندۋمعا سايكەس قاز اتوم ونەركاسىپ پەن «Uranium Industry» تاجىريبەلەر الماسۋعا، يننوۆاتسيالىق تەحنولوگيالاردى ەنگىزۋ جونىندەگى جوبالاردى بىرلەسە ورىنداۋعا، عىلىمي-زەرتتەۋ قىزمەتىن ۇيىمداستىرۋعا، قولايلى ەكولوگيالىق ورتانى ساقتاۋعا جانە جاقسارتۋعا نيەتتەستىگىن ءبىلدىردى.