استانادا «قازاقستان ارۋى» بايقاۋىنا دايىندىق قالاي وتۋدە - كەسكىن
استاناداعى بەيبىتشىلىك جانە كەلىسىم سارايىندا «قازاقستان ارۋى» بايقاۋىنىڭ اقتىق كەزەڭى وتەدى. بايقاۋعا قاتىسۋشىلار ەلورداعا قازاقستاننىڭ بارلىق وڭىرىنەن 20- قاراشا كۇنى كەلىپ قويعان.
وسى ۋاقىتتار بويى بويجەتكەندەر بەلسەندى دايىندىق ۇستىندە - ءارتۇرلى الەۋمەتتىك جانە قايىرىمدىلىق اكسيالارىنا قاتىسۋدا جانە ارينە دە، سپورتتىق دايىندىقتار مەن اجارلارى تۋرالى ۇمىتپاۋدا.
«قازاقستان ارۋى» بايقاۋىنىڭ رەسمي Instagram-اككاۋنتى فينالدىڭ باستى دايىندىعى قالاي وتكەندىگى تۋرالى ۆيدەونى جاريالادى. ەسكە سالايىق، بايقاۋعا بيلەتتەردى ساتۋدان تۇسكەن قاراجاتتىڭ بارلىعى قايىرىمدىلىققا جۇمسالاتىن بولادى.
جەڭىمپاز ارۋ 5 ميلليون تەڭگە كولەمىندەگى قارجىلاي سىياقىعا، ءداستۇرلى تاجگە يە بولادى. سونداي-اق ول «الەم ارۋى-2017» حالىقارالىق بايقاۋىندا قازاقستان نامىسىن قورعاۋعا اتتانادى.
فينالدىق شوۋ بارىسىندا ۇلتتىق جانە كەشكىلىك كيىم ۇلگىلەرىن كورسەتۋمەن قاتار، كورەرمەندەر نازارىنا قازاق دالاسىنىڭ داڭقتى ايەلدەرى تۋرالى جوبا ۇسىنىلاتىن بولادى.
بايقاۋعا قاتىسۋشى قىزدار ءاليا مولداعۇلوۆا، مانشۇك مامەتوۆا، كۇلاش بايسەيىتوۆا جانە تاعى باسقالاردىڭ ءومىرى جايلى ايتادى. ءىس-شارانى تەلەجۇرگىزۋشى دينارا ءساتجان مەن تالانتتى وپەرا ءانشىسى، «استانا وپەرا» تەاترىنىڭ جەتەكشى ءسوليسى سۇندەت بايعوجين جۇرگىزەدى.