اتا-اناسىنىڭ بايلىعى مەن اتاق-داڭقى كوپ رەتتە بالاسىنا كەرى اسەرىن بەرىپ تە جاتادى. ياعني، بايلىققا ماستانعان بالا اتا-اناسىن ۇيالتاتىن ارەكەتتەرگە ءجيى بارادى. كەلەسى رەتتە جۇلدىزعا اينالعان اتا-اناسىن جەرگە قاراتقان بالالار تۋرالى ايتامىز.
دجەيسي چان. ايگىلى اكتەر دجەكي چاننىڭ ۇلى.
قىتاي قۇقىق قورعاۋ ورگاندارى 2014-جىلى ەسىرتكىگە قارسى باقىلاۋ جۇرگىزىپ، دجەكي چاننىڭ ۇلىن ۇستادى. ول ەسىرتكى قابىلداعان. ونىڭ پاتەرىنەن ءدال وسى ارەكەتپەن اينالىسقان تاعى ءبىر ادام قولعا تۇسكەن. بۇدان سوڭ دجەيسيگە ەسىرتكى قابىلدايتىندارعا ىڭعايلى باسپانا ۇسىنعانى ءۇشىن تاعى ءبىر ايىپ تاعىلعان. سوت ونى 6 ايعا باس بوستاندىعىنان ايىردى.
مايكل دۋگلاستىڭ ۇلى 2009-جىلى ەسىرتكى ساتقانى ءۇشىن 7 جىلعا سوتتالىپ كەتتى.
«ول ەسىرتكىنى 13 جاسىنان باستاپ قابىلداعان. 20 جاسىندا گەروين قابىلداپ، 25 جاستا تاۋەلدىلىككە تۇسكەن. تۇتقىندالعان كەزدە ول كۇنىنە 5-6 مارتە ەسىرتكى تۇتىنادى ەكەن»، - دەپ جازىلعان مەديتسينالىق انىقتامادا. «مەن ۇلىمنىڭ جاعدايىن ەستىگەن كەزدە تاڭقالدىم. ءبىراق، تۇرمە - ول ءۇشىن ءدال قازىرگى ساتتە ويلانىپ، ءبارىن باسىنان باستاۋ ءۇشىن تاماشا مۇمكىندىك دەپ ويلايمىن»، - دەگەن ەدى اكتەردىڭ ءوزى. كەمەرون جاقىندا عانا بوستاندىققا شىقتى.
چەستيتي-چەز سالۆاتورە بونو، شەردىڭ ۇلى ءھام قىزى.
شەردىڭ قىزى جىنىسىن اۋىستىراتىن وپەراتسيا جاساتقان. ونىڭ سوزىنشە، ول كىشكەنتاي كەزىنەن ءوزىن قىز سياقتى سەزىنبەگەن. ءبىراق، ول وپەراتسياعا تەك 40 جاستان سوڭ عانا تاۋەكەل ەتتى. شەر ءوز قىزىنىڭ بۇل شەشىمىنە كەلىسپەي، ەكەۋى جىلعا جۋىق ۋاقىت ارالاسپاي قالعان. ءبىراق، كەيىن ءانشى ايەل ءبارىن ۇلىن قابىلداۋعا ءماجبۇر بولدى. چەزدىڭ ناعىز ەر ادامعا ۇقساۋى ءۇشىن بىرنەشە جىل قاجەت بولدى.
تالۋللا جانە سكاۋت ۋيليس، بريۋس ۋيلليستىڭ قىزدارى.
بريۋسكە بىرەسە ءبىر قىزى، ەندى بىردە ەكىنشى قىزى «توسىن سىي» دايىنداپ ابدەن شارشاتقان. ماسەلەن، سكاۋت ۋيلليس بىردە نيۋ-يورك كوشەلەرىمەن كەۋدەسىن جالاڭاشتاپ تاستاپ سەرۋەندەگەن. ال ەكىنشى قىزى ەسىرتكى قابىلداعانى ءۇشىن ۇستالعان.
كريستيان براندو. مارلون براندونىڭ ۇلى.
كريستيان براندو ءوزىنىڭ اپكەسىنىڭ جىگىتىن ولتىرگەنى ءۇشىن سوتتالعان. ەكى قابات قىز اعاسىنا كەلىپ، ءوزىن جىگىتىنىڭ ۇرىپ تاستاعانىن ايتادى. قولىنا تاپانشا العان كريستيان الگى جىگىتتى اتىپ تاستايدى. كوپ ۇزاماي قىز دا ءوز-ءوزىن ولىمگە قيدى.
تەودورا ريچاردس. Rolling Stones گيتاريستى كيت ريچاردستىڭ قىزى.
25 جاستاعى تەودورا مانحەتتەندەگى عيمارات قابىرعالارىنىڭ بىرىنە گراففيتي سالىپ جاتقان جەرىنەن ۇستالعان. سونداي-اق، ونىڭ قالتاسىنان ەسىرتكى دە تابىلىپتى.
Stan.kz