ءىلياس جانسۇگىروۆتىڭ ۇلى پروفەسسور اتاندى

تالدىقورعان. قازاقپارات - ءىلياس جانسۇگىروۆتىڭ ۇلى سايات جانسۇگىروۆكە «قۇرمەتتى پروفەسسور» اتاعى بەرىلدى.

سونىمەن قاتار ءىلياس جانسۇگىروۆ مۇراسىن زەرتتەۋگە زور ۇلەس قوسقانى ءارى عىلىم سالاسىنداعى ۇزدىك جەتىستىكتەرى ءۇشىن «ءىلياس جانسۇگىروۆ» توسبەلگىسى تابىس ەتىلەدى، دەپ حابارلايدى قازاقپارات ءتىلشىسى.

اتالعان قۇرمەت سايات جانسۇگىروۆكە تالدىقورعاندا كورسەتىلدى. قازىر ءىلياس جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىندە رەسپۋبليكالىق عىلىمي- تاجىريبەلىك كونفەرەنتسيا ءوتىپ جاتىر. «جانسۇگىروۆ تاعىلىمى» اتتى اۋقىمدى شارا الدىمەن جىر قۇلاگەرى، اقىن، جازۋشىنىڭ ەسكەرتكىشىنە گۇل شوقتارىن قويۋدان باستالدى. ودان كەيىن قوناقتار «ءىلياس مۇراسى» اتتى كورمەنى تاماشالادى. جيىنعا 100 دەن اسا ادام قاتىسۋدا. كونفەرەنسيا جۇمىسىنا شامامەن 100 ادام عىلىمي ماقالالارىن ۇسىنعان.

ايتۋلى شارا ەل تاۋەلسىزدىگىنىڭ 25 جىلدىعى مەن جەلتوقسان وقيعاسىنا 30 جىل تولۋىنا وراي ۇيىمداستىرىلىپ وتىر. باسقوسۋدا ەلىمىزگە تانىمال عىلىم دوكتورلارى مەن پروفەسسورلار، ۋنيۆەرسيتەتتىڭ وقىتۋشىلارى بايانداما جاسايدى. ول جەردە قامتىلاتىن تاقىرىپتار: «جەتىسۋ ءوڭىرى جانە 1916 -جىلعى ۇلت- ازاتتىق كوتەرىلىس: تاريحى مەن تاعىلىمى»، «زاماناۋي تالاپتار مەن بالامالى ءبىلىم باعدارلاماسى نەگىزىندە ءبىلىم بەرۋ جۇيەسىنىڭ ۇزدىكسىزدىگى مەن ساباقتاستىعىن قامتاماسىز ەتۋ»، «زاماناۋي جوعارى ءبىلىم بەرۋ جۇيەسىندەگى وقۋ- تاربيە ءۇردىسىنىڭ تاجىريبەلىك جانە گۋمانيستىك نەگىزدەرى»، «جاراتىلىس تانۋ- تەحنيكالىق عىلىمدار، زاماناۋي قوعامداعى ەكونوميكالىق جانە قۇقىقتىق قاتىناستار».

اۆتور: سامال قابىشەۆا