تاۋەكەل ءمۇسىلىم مەن جانار دۇعالوۆانىڭ ۇيلەنگەنى جايلى اقپارات جوققا شىعارىلدى
ايتا كەتەيىك، اكتەر مەن ءانشى ۇيلەندى دەگەن اقپاراتتى Alashinform.kz سايتى «سۇيىنشىلەپ» جازعان بولاتىن. «قازىرگى تاڭدا الەۋمەتتىك جەلىدە تاۋەكەل مەن جاناردىڭ سۋرەتتەرى تانىمال بولۋدا. بۇل سۋرەتكە جۇلدىزدارىمىز نە دەپ جاۋاپ بەرەدى ەكەن؟ بالكىم راس شىعار...»، - دەپ جازعان ەدى باسىلىم تىلشىلەرى.
الايدا ءانشى جانار دۇعالوۆانىڭ ديرەكتورى نۇرجاۋان تابىلديەۆا بۇل اقپاراتتى جوققا شىعاردى. "بۇل جالعان جاڭالىق. ال بۇل سۋرەتتىڭ تۇسىرىلگەنىنە كوپ ۋاقىت بولعان. بۇل سۋرەت ءبىر جۋرنالدىڭ جارناماسىنا ارنايى فوتوسەسسيا ۇيىمداستىرىلىپ، تۇسىرىلگەن. جۋرناليستىڭ ەڭبەكتەنبەيتىنى كورىنىپ تۇر»، - دەپ پىكىر ءبىلدىردى ءانشىنىڭ ديرەكتورى.
تاۋەكەل ءمۇسىلىمنىڭ ديرەكتورى جاننا ءابۋوۆا دا بۇل سۋرەتتىڭ جۋرنالداردىڭ ءبىرىنىڭ تاپسىرىسى بويىنشا تۇسىرىلگەنىن، ال اكتەر مەن ءانشىنىڭ ۇيلەنگەنى جايلى اقپاراتتىڭ جالعان ەكەنىن مالىمدەدى.
ايتا كەتەيىك، اكتەردىڭ ۇيلەنگەنى جايلى اقپارات بۇعان دەيىن دە شىققان بولاتىن. تاۋەكەل ءمۇسىلىمنىڭ ۇيلەنۋ تويىندا تۇسىرىلگەن دەلىنگەن سۋرەتتەرى دە جەلىدە جاريا بولعان.