تىركەۋدەن وتكەننەن كەيىن ۇناعان جۇلدىزدى تاڭدايدى، كەيىن اقشاسىن ونلاين جۇيەمەن تولەپ، قۇتتىقتاۋعا تاپسىرىس بەرەدى. قۇتتىقتاۋلار قۇنى 5 مىڭنان 100 مىڭ تەڭگەگە دەيىن. ءمالىم بولعانداي، قىزمەت اقىسىنىڭ 30 پايىزىن Imbra اكىمشىلىگى، قالعان 70 پايىزىن جۇلدىز الادى.
شوۋ- بيزنەس وكىلدەرىنىڭ بەينەقۇتتىقتاۋ قۇنى ولاردىڭ ەل اراسىنداعى تانىمالدىلىعىنا بايلانىستى. نە دەگەنمەن، اقىنى جۇلدىزداردىڭ وزدەرى قويادى ەكەن.
مىسالعا، ءمادينا ءسادۋاقاسوۆا 15 سەكۋندتىق قۇتتىقتاۋ ءۇشىن - 50 مىڭ، ال 30 سەكۋند ءۇشىن 100 مىڭ تەڭگە سۇراپ وتىر. م س سايلاۋبەكتىڭ 15 سەكۋندتىق قۇتتىقتاۋىن تىڭداعىڭىز كەلسە - 15 مىڭ، ال 30 سەكۋند ءۇشىن 30 مىڭ تەڭگە تولەيسىز.
نۇرلان ابدۋللين، كارينا ابدۋللينا، ءالي وقاپوۆ، تاۋەكەل ءمۇسلىم 15 مىڭ جانە 30 مىڭ سۇرايدى، وليمپيادا چەمپيونى سەرىك ساپيەۆ بولسا 15 مينۋتتىق روليگىن 40 مىڭ، 30 مينۋتتىعىن 500 مىڭ تەڭگەگە باعالاپ وتىر.
تاپسىرىس بەرۋشىلەرگە العاشقى قۇتتىقتاۋلارىن كەنتال، نۇرلان ابدۋللين، ديلناز احماديەۆا، سەرىك ساپيەۆ، سانجار ماديەۆ، ءالي وقاپوۆ، كارينا ابدۋللينا جانە تاعى باسقالار جىبەرىپ ۇلگەردى. بەينەروليكتىڭ كرەتيۆتى بولۋى ءار جۇلدىزدىڭ قيالىنا بايلانىستى. مىسالعا، ءانشى كەنتال گۇلميرا ەسىمدى تاپسىرىس بەرۋشىگە قۇتتىقتاۋىن پوليتسيا قىزمەتكەرىنىڭ كيىمىندە كولىك جۇرگىزىپ كەلە جاتىپ تۇسىرگەن.
قوسىمشا كومەگىمەن سونداي-اق كەلەسى جۇلدىزداردىڭ ۆيدەوقۇتتىقتاۋلارىنا تاپسىرىس بەرۋگە بولادى: التىناي جورابايەۆا، All داۆاي توبىنىڭ مۇشەسى شوقان مارات ۇلى، مۇرات مۇتىرعانوۆ، جۇبانىش جەكسەن ۇلى، «دەرشيۆي» توبى، جان بايجانبايەۆ، نۇرلان قويانبايەۆ، ءادىل ليان، دياس ابلايەۆ، ايسۇلۋ ازىمبايەۆا، Mysterions توبىنىڭ ءانشىسى ارمان قوڭىربايەۆ، ءداۋىت شايحيسلاموۆ، ارتۋر تولەپوۆ، RinGo توبى، MEZZO توبى، راحات تۇرلىحانوۆ، سۇندەت بايعوجين، عالىمجان مولدانازار، جاسىن قانبايەۆ، جانتەمىر بايمۇحامەدوۆ (جانتيك)، سىرىمتاي ەڭسەپوۆ جانە كوپتەگەن تاعى باسقالارى.
اۆتور: گۇلميرا الياكپاروۆا