مىسالى، 2015 -جىلدىڭ اياعىندا ساراپشىلار 2016 -جىلى دونالد ترامپتىڭ ا ق ش پرەزيدەنتى بولۋىنان جانە ۇلىبريتانيانىڭ ەۋرووداقتان شىعۋىنان قاۋىپتەنۋ قاجەت دەگەن ەدى. نازارلارىڭىزعا اگەنتتىك 2017 -جىلى قاۋىپتەنۋ كەرەك دەپ تاپقان وقيعالار ءتىزىمىن ۇسىنامىز.
ەۋروپاداعى سايلاۋ. «برەكزيتتەن» كەيىن پوپۋليستەردىڭ گەرمانيا، پولشا جانە فرانسيا ءتارىزدى ەلدەردەگى سايلاۋدا جەڭىپ شىعۋ مۇمكىندىگى ارتا تۇسەدى. كەلەسى جىلى پاريجگە ۋلتراوڭشىلداردىڭ ليدەرى مارين لە پەن كەلۋى مۇمكىن دەگەن بولجام بار. ۇلى بريتانيادا دا مەرزىمىنەن بۇرىن سايلاۋ ءوتۋى مۇمكىن. ەۋروپاداعى ساياسي وزگەرىستەردى Bloomberg 2017 -جىلداعى الەمدىك تۇراقتىلىققا ىقپال ەتەتىن قاۋىپتەردىڭ ءبىرى دەپ ەسەپتەيدى.
امەريكالىقتاردىڭ پرەزيدەنتىنە قارسىلىعى. ترامپ ا ق ش پرەزيدەنتى قىزمەتىنە كىرىسكەننەن كەيىن شتاتتاردا ونىڭ ساياساتىنا قارسى جاپپاي نارازىلىق شارالارى وتەدى. ءتارتىپتى قالپىنا كەلتىرۋ ءۇشىن پرەزيدەنت بىرنەشە ءىرى قالادا كومەندانتتىق رەجيم ەنگىزۋگە ءماجبۇر بولادى. ەل ءىشى ەكى لاگەرگە ءبولىنىپ، كاليفورنيا وپپوزيتسيا ورتالىعىنا اينالادى. ال ولاردىڭ ليدەرى كاسىپكەر يلون ماسك بولادى دەيدى اگەنتتىك.
رەسەي پوزيتسياسىنىڭ نىعايۋى. دونالد ترامپتىڭ وقشاۋلانۋ ساياساتىنان كەيىن گەرمانيا كانسلەرى انگەلا مەركەلدىڭ الدىندا تاڭداۋ تۇرادى. نە رەسەيمەن كەلىسىمگە كەلۋ، نە اسكەر جيناۋ. Bloomberg بولجامى بويىنشا، مەركەل ءبىرىنشى نۇسقانى تاڭداۋى كەرەك. اراداعى شيەلەنىستى باسىپ، رەسەيلىك حاكەرلەردى قايتارۋ ءۇشىن رەسەيدىڭ ۋكراينا، بەلورۋسسيا جانە سيرياداعى ساياساتقا قاتىستى تالاپتارىن قابىلداۋعا ءماجبۇر بولادى. ماسكەۋدىڭ حالىقارالىق ارەناداعى ستاتۋسى قالپىنا كەلىپ، رۋبل نىعايادى. ۆلاديمير پۋتين ءوز ميسسياسىنىڭ ورىندالعانىن سەزىنىپ، بيلىكتى مۇراگەرىنە تاپسىرۋ تۋرالى ويلاي باستايدى.
ا ق ش پەن قىتايدىڭ ەكونوميكالىق سوعىسى. ترامپتىڭ ساياساتىنا قارسىلىق رەتىندە پەكين يۋان ديەۆالۆاتسياسىن جۇرگىزىپ، «بوينگكە» بەرگەن تاپسىرىستى كەرى شەگەرىپ، ايفونداردىڭ ساتىلىمىنا شەكتەۋ سالادى. ءبىراق قىتايدىڭ ءوزى ۇلكەن توقىراۋعا ۇشىرايدى. ترامپپەن كيكىلجىڭ سالدارىنان امەريكالىق نارىقتان ايىرىلىپ، 1997 -جىلى ازيالىق قور نارىعىنداعى داعدارىس قايتالانۋى مۇمكىن.
الەم ا ق ش- تىڭ قورعاۋىنسىز قالادى. ا ق ش پرەزيدەنتى دونالد ترامپتىڭ ديپلوماتيالىق تاجىريبەسىنىڭ بولماۋى جانە حالىقارالىق كۇن ءتارتىبىن تۇسىنبەۋى الەمدەگى ۇلكەن وزگەرىستەرگە اكەلۋى مۇمكىن. مىسالى، ونىڭ باسشىلىعىنداعى ا ق ش قۋاتتى كۇشى بار دەرجاۆا ستاتۋسىنان ايىرىلىپ، حالىقارالىق ءتارتىپتى رەتتەۋدەگى رولىن رەسەي مەن قىتايعا بەرەدى. بۇل جاعدايدا تەرروريستەر كۇشتەرىن نىعايتىپ، جاپونيا مەن ساۋد ارابياسى يادرولىق باعدارلامالارمەن اينالىسۋى مۇمكىن. ال سولتۇستىك كورەيا امەريكا اۋماعىنا دەيىن جەتەتىن يادرولىق قارۋى بار ەكەنىن دالەلدەيدى.
كيبەرسوعىستار. ا ق ش- تاعى نەگىزگى ينفراقۇرىلىم وبەكتىلەرىنە، اسىرەسە، ەلەكتروستانتسيالارعا حاكەرلىك شابۋىلدار جاسالادى. كيبەرقىلمىسكەرلەر مەديتسينالىق قۇرال- جابدىقتار مەن وزدىگىنەن باسقارىلاتىن اۆتوموبيلدەردى نىساناسىنا الادى. ولاردىڭ ارتىندا رەسەي نەمەسە قىتاي تۇرادى.
كاريب داعدارىسى-2. ا ق ش پرەزيدەنتتىگى لاۋازىمىندا دونالد ترامپ باراك وبامانىڭ كۋبامەن جاقىنداسۋ دەگەن ساياساتىن كەرى شەگەرەدى. ناتيجەسىندە سوتسياليستىك مەملەكەت رەسەي جانە قىتايمەن بايلانىسىن قايتادان نىعايتىپ، ماسكەۋگە گاۆانادا اسكەري بازاسىن اشۋعا رۇقسات بەرەدى. وسىعان بايلانىستى ا ق ش پەن رەسەيدىڭ ارا- قاتىناسى ودان سايىن ۋشىعىپ، 1962 -جىلعى كاريب داعدارىسى تاعى قايتالانۋى مۇمكىن.
مەكسيكانىڭ قۇلدىراۋى. ترامپ مەكسيكامەن قارىم- قاتىناسىن نىعايتۋ دەگەن ۋادەسىن ورىنداپ، ەلىندەگى زاڭسىز جۇرگەن ميگرانتتاردى دەپورتاتسيالاي باستايدى. مەكسيكا ەكونوميكاسى قۇلدىراپ، بيلىك ا ق ش- قا قارسى پوپۋليستەردىڭ قولىنا وتەدى. ەلدەگى ناشا بيزنەسى بۇرىنعىسىنان دا گۇلدەي باستايدى.
يران مەن ساۋد ارابياسىنىڭ سوعىسى. ساۋد ارابياسىنىڭ ەكونوميكانى ءارتاراپتاندىرۋ دەگەن ساياساتى ەشقانداي ناتيجە بەرمەي، كورولدىكتە ساراي توڭكەرىسى بولادى. تاياۋ شىعىستاعى نەگىزگى كۇش ساۋد ارابياسىنىڭ بۇرىنعى قارسىلاسى يراننىڭ جاعىنا قاراي اۋىسادى. توقتاۋ سالاتىن ا ق ش بولماعان سوڭ ءىرى مۇناي ءوندىرۋشى ەلدەر ساۋد ارابياسى مەن يران اراسىندا سوعىس بولىپ، قارا التىن نارىعىندا داعدارىس ورىن الادى.
7kun.kz