وزگە ۇلت وكىلدەرىنىڭ بالالارىن قازاق ءتىلىن ۇيرەنۋگە ىنتالاندىرىپ، سول ارقىلى مەملەكەتتىك ءتىلدى حالىقتى بىرىكتىرۋشى فاكتور رەتىندە قالىپتاستىرۋدى كوزدەيتىن بايقاۋ بىرنەشە اتالىم بويىنشا اۋداندىق جانە وبلىستىق دەڭگەيدە ۇيىمداستىرىلدى.
وسى سىناقتاردان سۇرىنبەي وتكەن 50-گە جۋىق جاس ورەن قازاقتىڭ جىراۋلارىن جاتقا ايتىپ، تەرمە ورىنداۋدى دا بىلەدى. اتاپ ايتقاندا، «تاۋەلسىزدىك - تىرەگىم» تاقىرىبىنا مەملەكەتتىك تىلدە ەسسە مەن ولەڭدەر جازۋ بايقاۋىندا ماريا روجيتسىنا (الماتى قالاسى)، يانا كريۋچەك (اقمولا وبلىسى)، نادەجدا تيموشۋك (اقتوبە وبلىسى)، ديلناز ابدۋۆاليەۆا (الماتى وبلىسى)، ميحايل ناپىلوۆ (اتىراۋ وبلىسى)، اننا پانكراتوۆا (باتىس قازاقستان وبلىسى)، شاحزودا ابدۋللايەۆا (جامبىل وبلىسى)، كريستينا حۆان (قاراعاندى وبلىسى)، اننا سۋۆەرنيەۆا (قوستاناي وبلىسى)، ۆالەريا فرولوۆا ( قىزىلوردا وبلىسى)، شازادا اگامالييەۆا (پاۆلودار وبلىسى)، سەرگەي ۆورونتسوۆ (سولتۇستىك قازاقستان وبلىسى)، الەنا ارحيپوۆا (وڭتۇستىك قازاقستان وبلىسى) مەن ۆلادا كوزلوۆا (شىعىس قازاقستان وبلىسى) وق بويى وزىق شىقتى.
شەشەندىك ونەر جاعىنان دايانا پوتاپوۆا (اقمولا وبلىسى)، ەليزاۆەتا بيبريح (اقمولا وبلىسى)، ۆلاديمير بولشاكوۆ (قاراعاندى وبلىسى)، زابار ابدۋراشيتوۆا (الماتى وبلىسى)، ديانا ماركوبرونوۆا (اتىراۋ وبلىسى)، الەكساندر يلەنكوۆ (شىعىس قازاقستا وبلىسى)، ديلناز مۋستافايەۆا (باتىس قازاقستان وبلىسى) ... قاتارلى جاستارۇزدىك دەپ تانىلدى. بۇدان بولەك، «مەملەكەتتىك ءتىل - تاۋەلسىزدىكتىڭ تىرەگى» اتتى بەينەروليكتەر بايقاۋىندا رادميل ادگاموۆ (اتىراۋ وبلىسى)، ەكاتەرينا نايۆەرت (شىعىس قازاقستان وبلىسى)، سۆەتلانا مۋرزينا (باتىس قازاقستان وبلىسى)، مارينا ۋستينوۆا (جامبىل وبلىسى)، ميراس ريحارد (قاراعاندى وبلىسى)، ولگا تيحوۆا (قوستاناي وبلىسى) مەن دەنيس كونوحوۆ (استانا قالاسى) جەڭىمپاز اتاندى.
سالتاناتتى ماراپاتتاۋ ءراسىمى كەزىندە ءسوز سويلەگەن پارلامەنت ءماجىلىسىنىڭ دەپۋتاتتارى قازاق ءتىلىن ۇيرەنىپ جاتقان بالالاردىڭ اتا- انالارىنا ءوز العىستارىن ايتىپ، تالاپتارىنا نۇر جاۋعاندى تىلەدى. ال قازاقستان حالقى اسسامبلەياسى ءتوراعاسىنىڭ ورىنباسارى ەرالى توعجانوۆ «مىڭ بالا» جوباسى اياسىندا قازاق ءتىلىن مەڭگەرگەن وزگە ۇلت وكىلدەرىنىڭ سانىن جاريالادى. جيىن سوڭىندا پاۆلودار وبلىسىنان كەلگەن يرينا بوندار مەن ولگا بەرگ «قازاق ەلى وسىنداي» ءانىن ورىنداپ بەردى. ولارعا قالعان بالالار دا قوسىلدى.
اۆتور: ارمان اسقاروۆ