ۇرلانعان تەلەفون ساتىلۋى مۇمكىن، ونى پوليتسيا قىزمەتكەرلەرى ەرتە مە، كەش پە انىقتاپ، زاڭعا سايكەس يەسىنە قايتارادى، دەيدى ۆەدومستۆودان.
«بوتەننىڭ مۇلكىن ۇرلاۋ قىلمىسىنىڭ باسىم بولىگىن (20 پايىزدان استام) ۇيالى تەلەفونداردىڭ ۇرلانۋىنا بايلانىستى قىلمىستار قۇرايدى. بۇعان، ارينە، ۇيالى تەلەفونداردىڭ حالىق اراسىندا كەڭ قولدانىلۋى جانە ونى جىلدام ساتۋعا مۇمكىندىك بارىنا دا سەبەپ بولىپ وتىر. اعىمداعى جىلى ۇيالى تەلەفونداردىڭ ۇرلىعىنا قارسى ءىس- قيمىل جاساۋ ماقساتىندا ءى ءى م كريمينالدىق پوليتسيا دەپارتامەنتى ۇيالى بايلانىس وپەراتورلارىمەن ۇرلانعان ۇيالى ابونەنتتىك قۇرىلعىلاردى بۇعاتتاۋ تۋرالى مەموراندۋم جاسادى.
ۇيالى بايلانىس كومپانياسىنا ۇيالى تەلەفونداردى بۇعاتتاۋ تۋرالى 7 مىڭ قاۋلى جىبەرىلدى، 5 مىڭ تەلەفونعا بۇعات قويىلدى. وسى شارانى ۋاقتىلى قابىلداۋ وسىنداي قىلمىستاردىڭ الدىن الۋدا پارمەندى شارالاردىڭ ءبىرى بولىپ تابىلادى. تانىس ەمەس ادامداردان ۇستالىنعان تەلەفوندى ساتىپ الۋعا بولمايدى (سونداي- اق لومباردتاردا، بازاردا، باسقا دا مامانداندىرىلعان ەمەس ساۋدا نۇكتەلەرىندە)، وندا ۇرلانعان تەلەفون ساتىلۋى مۇمكىن، ونى پوليتسيا قىزمەتكەرلەرى ەرتە مە، كەش پە انىقتاپ، زاڭعا سايكەس يەسىنە قايتارادى.
موبيلدى تەلەفون ۇرلانعان جاعدايدا جابىرلەنۋشى كوپ كەشىكتىرمەي قىلمىس جاسالعان ورىن بويىنشا نەمەسە جاقىن ورنالاسقان پوليتسيا بولىمشەسىنە ارىز جازۋ قاجەت. ارىزدا قىلمىستىڭ بولۋ جاعدايىن كۋالەردىڭ قاتىسۋىمەن ولاردىڭ انكەتالىق مالىمەتتەرىمەن جازۋ قاجەت، جوعالعان تەلەفونعا سيپاتتامالىق بەلگىلەرىن جازۋ. سونداي- اق تەلەفوندى يەلەنۋدى راستايتىن قۇجاتتاردى ارىزعا قوسا ۇسىنۋ قاجەت. سونىمەن قاتار وسى ساناتتاعى قىلمىستاردىڭ الدىن الۋ ءۇشىن ۇسىنىمدارعا دا نازار اۋدارعان ءجون. تەلەفونمەن سويلەسىپ تۇرعاندا جان- جاعىڭىزعا نازار سالىپ تۇرىڭىز. تەلەفوندى تارتىپ العىسى كەلگەن ادام، ول ارەكەتىن جۇزەگە اسىرمايدى، سەبەبى الەۋەتتى قۇرباننىڭ جان- جاعىن باقىلاپ تۇرعانىن بايقايدى. ءوز مۇلكىڭىزگە جايباراقات قاراماڭىز، اشىق جەرگە قاراۋسىز تاستاپ كەتپەڭىز. تەلەفونىڭىزدى ەشقانداي سەبەپتەرگە قاراماستان، بوتەن ادامداردىڭ قولىنا پايدالانۋعا بەرمەڭىز»، - دەپ جازىلعان حابارلامادا.