تاۋەلسىزدىكتىڭ 25 جىلدىعى مەن «قازاگرو» حولدينگىنىڭ 10 جىلدىعى قارساڭىندا ىسكە قوسىلعان «BRB APK» جىلىجاي كەشەنى قازىر تاۋلىگىنە 20 توننا قيار شىعارۋدا.
اۋماعى 12 گەكتار جىلىجايدىڭ قۇنى - 7,8 ميلليارد تەڭگە. ونىڭ ىشىندە 4,4 ميلليارد تەڭگەنى «BRB APK» كومپانياسى «قاز اگرو قارجىدان» نەسيەگە العان. جىلىجاي جىلىنا 4 مىڭ توننا قيار، 3200 توننا قىزاناق وسىرەدى. العاشقى قيارلار ساتىلا باستادى. جاقىندا قىزاناق تا پىسەدى.
نۇرلان ءادىلحان، «BRB APK» » ج ش س ديرەكتورى - ءبىز گەربيتسيد مۇلدەم قولدانبايمىز. ونىڭ ورنىنا ءبىز مىنا بيواگەنتتى قولدانامىز. ارالار وسى ءبىزدىڭ قيار مەن قىزاناقتى گۇلدەندىرەدى. تاعى دا باسقا زياندى جاندارعا كەلسەك، ولارعا قارسى تاعى دا بيواگەنتتەردى قولدانامىز.
بۇگىندە «قازاگرو» ۇلتتىق حولدينگىنە قارايتىن كومپانيالار 530 ينۆەستيتسيالىق جوبانى قارجىلاندىرعان. بۇل جوبالار ەت جانە ءسۇتتى مال شارۋاشىلىعىنان باستاپ وسىمدىك شارۋاشىلىعى مەن وڭدەۋ سالاسىنا سەرپىن بەرەدى. حولدينگ يمپورتتى ازايتۋ ماقساتىندا جىلىجاي كەشەندەرىن سالۋعا قولداۋ كورسەتىپ كەلەدى.
رۇستەم قاراعويشين، «قاز اگرو قارجى» باسقارما ءتوراعاسىنىڭ ورىنباسارى - ءبىزدىڭ وسىنداي 41 جوبامىز بار. ول باعاناعى 147 گەكتاردا جاسالعان. ونىڭ شىعاراتىن كولەمى 63 مىڭ توننا. سونىڭ 33 ىسكە قوسىلىپ، بۇگىنگى كۇنى ءونىم بەرىپ جاتىر. «قازاگرو» 10 جىل ىشىندە ەلدىڭ اگروونەركاسىپ كەشەنىن قولداۋعا 2 تريلليون تەڭگەدەن استام قاراجات باعىتتاعان. وسى ۋاقىت ارالىعىندا 141 مىڭنان استام ادام جۇمىسپەن قامتىلدى.
اۆتورلارى: ۇلان نارىنبەك، كەنجە امرايەۆ
www.khabar.kz