وباما ا ق ش- تىڭ يراكقا باسىپ كىرگەندەگى قاتەلىگى تەروريستىك ۇيىمنىڭ قۇرىلۋىنا سەبەپ بولعانىن مويىندادى

استانا. قازاقپارات - ا ق ش پرەزيدەنتى باراك ا ق ش- تىڭ يراكقا باسىپ كىرگەندەگى قاتەلىگى د ا ي ش- تىڭ قۇرىلۋىنا سەبەپ بولعانىن مويىندادى، - دەپ حابارلايدى ر ي ا نوۆوستي.

«ءبىز جاۋاپتى ءىس-قيمىلدار قانداي بولاتىنى تۋرالى شەشىم قابىلدار كەزدە د ا ي ش بولىپ قۇرىلعان ۇيىمنىڭ باس كوتەرۋىنە جول بەرگەن 2003 -جىلعى قاتەلىكتەردى قايتالاماۋعا تىرىستىق»، - دەدى وباما تەرروريزمگە قارسى كۇرەس تۋرالى سوزىندە.

ونىڭ ايتۋىنشا، 2014 -جىلدان بەرى نەگىزگى كومەك د ا ي ش- پەن كۇرەسىپ جاتقان يراكتىڭ "ۇلتتىق بىرلىك ۇكىمەتىنە" جاسالىپ وتىر. سونىمەن قاتار، باراك وباما ا ق ش 60 ەلدەن تۇراتىن، سونىڭ ىشىندە يراكقا كورشىلەس ەلدەر كىرەتىن كواليتسيا قۇرعانىن ەسكە سالدى.

«وسىدان كەيىن ءبىز سيريا مەن يراكتا (لاڭكەستەرمەن) كۇرەسۋدى باستادىق. امەريكالىق باتالوندار كۇشىمەن ەمەس، جابدىق، كەڭەسشىلەر جانە ارنايى جاساق ارقىلى قولداۋ كورسەتىپ وتىرعان جەرگىلىكتى كۇشتەرمەن»، - دەيدى ا ق ش پرەزيدەنتى.

ول كوالتسيتسيانىڭ 16 مىڭ اۋە سوققىسىن جاساعانىن جانە د ا ي ش باسىپ العان اۋماقتاردىڭ جارتىسى قايتارىلعانىن ەسكە سالدى.

 

Kaz.tengrinews.kz