وليمپيادا جۇلدەگەرى دەنيس تەن ءوزىنىڭ جاڭا ءانىن ورىندادى
11:01, 07 - جەلتوقسان 2016
استانا. قازاقپارات - وليمپيادا-2014 باسەكەسىنىڭ قولا جۇلدەگەرى، تانىمال قازاقستاندىق مانەرلەپ سىرعاناۋشى دەنيس تەن الەۋمەتتىك جەلىلەردە ءوزىنىڭ جاڭا كومپوزيتسياسىنان ءۇزىندى ورىندادى.
«مەن سەنبى كۇنى ورىندالعان ءاننىڭ الەۋمەتتىك جەلىدەگىلەردىڭ نازارىن اۋدارىپ، بۇقارالىق اقپارات قۇرالدارى ارقىلى تاراعانىنا تاڭ قالىپ وتىرمىن. مەن جاتتىعۋلاردىڭ اراسىندا ترەكتى قايتا ارانجيروۆكادان وتكىزىپ شىقتىم»، - دەپ جازدى ول ءوزىنىڭ ينستاگرام جەلىسىندەگى اككاۋنتىندا.
سونىمەن قاتار ول تيزەردەگى سىلتەمەنىڭ پروفيلگە قوسىلعاندىعىن ايتتى.
ايتا كەتەيىك، سپورتشى ءوزىن نەگىزگى كاسىبىنەن بولەك سالادا ءبىرىنشى رەت سىناپ كورىپ وتىرعان جوق. وسىعان دەيىن وليمپيادا جۇلدەگەرى جەكە ءوزىنىڭ شىعارۋىنداعى تۋىندىلاردى ورىنداۋ ساتتەرىنەن ۇزىندىلەردى جاريالاعان بولاتىن.