قازاقستاندا يتاليالىق تەحنولوگيامەن اياق كيىم تىگىلە باستادى

استانا. قازاقپارات - مەملەكەت باسشىسى ىسكە قوسقان يتاليالىق تەحنولوگيامەن اياق كيىم تىگەتىن جاڭا ءوندىرىس يمپورت الماستىرۋعا سەپتىگىن تيگىزبەك.

الماتىلىق «قازلەگپروم» فابريكاسىنىڭ جۇمىسشىلارى ءوز ونىمدەرىن پرەزيدەنتكە دەيىن قولداناتىنىن ماقتان تۇتادى. بيىل كاسىپورىن 300 ميلليون تەڭگەگە زاماناۋي ەۋروپالىق قۇرىلعى العان. سونىڭ ارقاسىندا جىلدىق ءونىم كولەمى 150 مىڭعا ارتقان.

بۇعان قوسا اياق- كيىمنىڭ 75 ءتۇرىن شىعارۋعا قول جەتكەن. بار-جوعى 5 جىلدا شاعىن كومپانيا 450 ادام جۇمىس ىستەيتىن ءىرى فابريكاعا اينالدى. ءوندىرىس كولەمى جىلىنا 1,5 ميلليون تىگىن بۇيىمى مەن 500 مىڭ اياق-كيىمگە جەتكەن. بولاشاقتا كاسىپورىن باسشىلارى ساپالى ماتا توقىپ، بىلعارى ءوندىرۋدى جوسپارلاپ وتىر.

ومىربەك ەسماعامبەتوۆ، باس ينجەنەر:

- يتاليادان ماماندار الدىردىق. سوندىقتان ءبىز شەتەلدىڭ باسقا كاسىپورىندارىمەن باسەكەلەس بولا الامىز دەپ ۇمىتتەنەمىز.