استاناداعى ساۋدا جەلىسى مۇقتاج جاندارعا تەگىن نان تاراتۋدا

استانا. قازاقپارات - ەلوردا اكىمدىگىنىڭ باستاماسىمەن ۇيىمداستىرىلعان «استانا - مەيىرىمدى قالا» جالپى قالالىق قايىرىمدىلىق اكسياسىنا قالا ىسكەرلەرى دە قولداۋ كورسەتۋدە، دەپ حابارلايدى قالا اكىمدىگىنىڭ سايتى.

اكسياعا العاشقىلاردىڭ ءبىرى بولىپ قوسىلعان «5 مينۋت» ساۋدا-ريتەيل جەلىسى قالانىڭ الەۋمەتتىك ءالسىز تۇرعىندارى ءۇشىن تەگىن نان تاراتۋ بويىنشا قايىرىمدىلىق اكسياسىن قولعا الدى. مۇقتاج ازاماتتارعا ارنالعان تەگىن نان دۇكەن سورەلەرىنە قويىلدى.

شارا قايىرىمدى جانداردىڭ جانە جەلى يەسىنىڭ قارجىسىنا ىسكە اسىرىلۋدا. قازىرگى كەزدە قايىرىمدىلىق اكتسيا كۇندەلىكتى نەگىزدە سۋپەرماركەتتەر جەلىسىنىڭ ءۇش دۇكەنىندە وتكىزىلۋدە، ولاردىڭ مەكەن- جايلارى: جەڭىس داڭعىلى، 55؛ ءى. ەسەنبەرلين ك- سى، 2/1؛ ع. مۇستافين ك- سى، 13. «استانا - مەيىرىمدى قالا» اكسياسىنا نيەت بىلدىرگەن كەز كەلگەن ادام قاتىسا الادى. اكسيا تۋرالى تولىق اقپاراتتى جۇمىسپەن قامتۋ، ەڭبەك جانە الەۋمەتتىك قورعاۋ باسقارماسىنان الۋعا بولادى.